Өркениет

"Қитұрқы жоба": Балғынбек Имаш жаңа заң жобасына қарсы шықты

  • https://kaz.365info.kz/

    https://kaz.365info.kz/

"Отбасына қолды салғаны, Отанымызға отыз жыл бомбы жарғанынан жаман жаулық!",- деді танымал айтыскер ақын.

 

Осылайша ол "Отбасылық зорлық-зомбылыққа қарсы" жаңа заң жобасына түбейгейлі қарсы екенін әрі себептерін айтып, билікке дат айтты. Бұл туралы Сaravan.kz  медиа порталы хабарлады.

 

Құрметті Қасымжомарт Кемелұлы!

 

Мәртебелі жаңа сайланған Парламент Мәжілісінің депутаттары!

 

Мен "Отбасылық зорлық-зомбылыққа қарсы" жаңа заң жобасын оқып шықтым. Заңгер болмасам да, тіл маманы ретінде, айтыскер ақын ретінде ондағы әр термин мен әр сөздің мағынасын, оның астарын, оның қыры мен сырын, жасырынған мәнін толық түсіне отырып бұл заң жобасы бала құқығын желеу етіп, ата-ананың абыройы мен беделін түсіретін, отбасы деген қасиетті ұғымның тамырына балта шабатын қитұрқы жоба деп мәлімдеймін. Тентегіне тек дей алатын, қисығын тезге салып түзейтін ата-баба дәстүрін, дініміздің қастерлі ұстанымдарын жоққа шығарып, батыстық үлгіні қабыл ету арқылы біз қай ұшпаққа шықпақшымыз?

 

Шариғаттың басты ұстанымы жақсылыққа шақырып, жамандықтан қайтару емес пе? Басқаны былай қойып, өз баламызды жамандықтан тыйып, жақсыға бағыттай алмасақ, қазақ болып, мұсылман болып, тіпті, адам болып не керек?

 

Отан отбасынан басталады, ендеше, Отбасын қирату - Отанды қирату емес пе?

 

Кілемді ұру - оны жазалау үшін емес, шаңын тазалау үшін,

 

Баланы ұрсу - оны бұрыстығын айыптау үшін емес, дұрыстыққа лайықтау үшін.

 

Отбасына қолды салғаны, Отанымызға отыз жыл бомбы жарғанынан жаман жаулық!

 

Мен айтыскер ақын ретінде Өз Отбасымның баянды бақыты, Өз Отанымның берекелі болашағы үшін бұл заңды кері қайтарып, күн тәртібі түгілі, мүлдем жыл тәртібінен, тіпті, Парламент тарихынан алып тастауды өтініп сұраймын!

 

Қазақстан Республикасының азаматы ретінде, жеті баланың әкесі ретінде, ТАЛАП етемін!, - деді Балғынбек Имаш.

 

 

 

 




Көрілген: 2999    Пікірлер: 0

дүйсенбі, 18.01.2021, 11:55

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31