Өркениет

«Қыздың арсыз болуы қарғыспен тікелей байланысты»: Жанар Айжанова бала тәрбиесі туралы сөз қозғады

  • «Қыздың арсыз болуы қарғыспен тікелей байланысты»: Жанар Айжанова бала тәрбиесі туралы сөз қозғады

    «Қыздың арсыз болуы қарғыспен тікелей байланысты»: Жанар Айжанова бала тәрбиесі туралы сөз қозғады

Ата-ананың өз баласына айтқан әр сөзін періште мақұлдап тұратын көрінеді. Балалардың жолын өздері жауып, кейін оларға өкпе артып жүрген ата-ана қаншама...


Жанар Айжанова бала тәрбиесіндегі ата-ана қарғысы мен аузынан шыққан әр сөз баланың болашағына қатты әсер ететінін Instagram-парақшасында әңгімеледі.


«Сіз балаңызды қарғайсыз ба? Ендеше «Арпа егіп, бидай орамын» деп ойламаңыз. Бұны айтып отырған себебім, ертеректе бір әйел бала-шағасын болмашы нәрсеге бола «Ақ үйіңе қара тігілгір» деп күнде қарғап жататын. Естігенде денеміз түршігіп қорқатынбыз. Кейін естідік, ақыры солай болғанын. Жүйесіз қарғыс өзіңді табады деген. Ердің ез, қыздың арсыз болуы қарғыспен тікелей байланысты», - дейді Жанар Айжанова.


Оның айтуынша, ашу үстінде айтылған теріс және ауыр сөздер баланың болашағын байлады екен. Сондықтан ашу кезінде ойланып сөйлеген абзал. Ата-ананың өз баласына айтқан әр сөзін періште мақұлдап тұратын көрінеді. Балалардың жолын өздері жауып, кейін оларға өкпе артып жүрген ата-ана қаншама...


«Сөздің қуаты көзге көрінбегенмен, сезіледі. Мүмкін сіз бен біздің аузымыздан шығып кеткен қарғысымыздан шығар, келіннің шайпау, қыздың кертартпа, ұлдың ер емес ез болып жатқаны. Бәрі деп айтып отырған жоқпын. Дегенмен де, кейбір енелерді былай қойғанда, өз шешелері ұл-қыздарына аузына келгенін айтып жатады. Не болмаса байынан, басқадан ала алмаған өшін өрімдей бала-шағасынан алып, қарғыспен кептіріп жатады. Сосын келіп жылайды. «Қызымның бағы жанбады, ұлымнан еңбегім қайтпады» деп. Баланың жолын баяғыда-ақ өзі жауып тастағанын білмейді», - дейді Жанар Айжанова.


sn.kz




Көрілген: 1758    Пікірлер: 0

жұма, 28.06.2019, 14:57

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30