Өркениет

Роза Рымбаева желіде сын айтатындар туралы: Аузыңды ашсаң, бәлеге қаласың

  • Роза Рымбаева желіде сын айтатындар туралы: Аузыңды ашсаң, бәлеге қаласың

    Роза Рымбаева желіде сын айтатындар туралы: Аузыңды ашсаң, бәлеге қаласың

Қазақ эстрадасының жұлдызы Роза Рымбаева өзіне қатысты айтылған түрлі сыни пікірлерге қатысты өз ойын айтты. Әншінің пікірінше, шындықты айтқан адамның ешкімге жақпауы - заңды құбылыс. Өнер иесі "Алматы" телеарнасының Paparazzi бағдарламасына берген сұқбатында осы турасында баяндады.

Ол әріптесі әрі өнердегі сіңлісі Меруерт Түсіпбаеваның кез келген жайтқа қатысты ойын ашық айтатын батылдығын атап өтіп, мұндай жандардың қоғамда азайып кеткенін тілге тиек етті. Айтуынша, шындықты айтқанды ұнатпайтындар қазір ғана емес, бұрын да ешкімге жаға қоймаған. Сондықтан әнші мұндай нәрселерге қалыпты құбылыс ретінде қарайтынын атап өтті.

"Бізді қазір кім сынамайды?! Қазір мына Instagram дейді, YouTube дейді, әйтеуір, аузыңды ашсаң бәлеге қаласың. Шындықты айтам деп бәлеге қаласың. Енді, шындықты біреу айтпаса, солай өтірік мақтауға мәз болып, өзімізге өзіміз алданып, жүре береміз. Ол қазір ғана емес, кезінде патшаға шындықты айтқан кезде де жақпайтын, басына дейін кесіп алған. Шындықты айтқан адам ешқашан ешкімге жақпайды. Артынан келіп түсінеді. Е, осы кісі дұрыс айтқан екен ғой, деп. Мен туралы да сондай әңгімелер шығып жатады", - дейді Роза Рымбаева.

Айта кетсек, әншінің есімі есімі осы уақытқа дейін көптеген дау-дамайларда бірнеше мәрте аталған еді. Мәселен, бұдан екі айға жуық уақыт бұрын Роза Рымбаеваның Грэмми сыйлығын алған ақсулық Иманбек Зейкеновке қатысты айтқан ойы көпке жақпай қалған болатын. 




Көрілген: 1439    Пікірлер: 0

бейсенбі, 26.08.2021, 09:23

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31