Саят Медеуовтің әйелі желіде тараған қауесетке жауап берді

03 наурыз 2022, 13:09

Әлеуметтік желіде әнші Саят Медеуов "жол апатынан қаза тапты" деген ақпарат тарады. Әншінің әйелі Гүлбаршын Байжігітова бұл жалған ақпарат екенін айтты, - деп хабарлайды Tengrinews.kz тілшісі.

 

Гүлбаршын Байжігітованың айтуынша, әншінің қазіргі жағдайы жақсы. Жансақтау бөлімінен шықты.

 

"Аллаға шүкір, бәрі жақсы. Палатаға шығарды. Өзім қасындамын. Бәрі жақсы. Үйге қашан шығаратыны әзірге белгісіз. Қазір ауруханада", - деді әнішінің әйелі.

 

Саят Медеуовтің жағдайын әнші Ақбота Керімбекова да біліп қайтқан. Керімбекова палатадан видео түсіріп, желідегі парақшасына салды. Видеода Саят Медеуов уайымдап, тілек білдіріп жатқан барша қазақстандыққа алғыс айтты.

 

<iframe src="https://aitube.kz/embed/?id=850a1084-de55-401d-9f99-8be64c5508b1" class="aitube-embed" width="500" height="315" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen="allowfullscreen"></iframe>

 

Еске салайық, бұған дейін Саят Медеуов жол апатына ұшырап, жансақтау бөлімінде жатқаны хабарланған болатын. Артынша әншіге операция жасалды. Бұл туралы Медеуовтің әйелі Гүлбаршын Байжігітова хабарлаған еді.