Өркениет

«Сырлы қалам» жастары хакім Абайға жыр арнауда

  • «Сырлы қалам» жастары хакім Абайға жыр арнауда

    «Сырлы қалам» жастары хакім Абайға жыр арнауда

Сыр елінің іргелі білім ордасы Қорқыт Атындағы Қызылорда университетінде Абай Құнанбайұлының 175 жылдығына орай «Сырлы қалам» атты жас ақындар ұйымы ашылды. Онда поэзияны жанындай сүйетін, өлең жазуға қабілеті бар студенттер шоғырланған. Бойдағы дарынын шыңдап, қара өлеңді серік етіп жүрген білім алушылар қазақ халқының бас ақыны хакім Абайға арнау өлеңдерін жазып, жыр арнауда.

«Өлеңмен өрнектейін құрақ ойды,

Ұлы ақын дейді ел ұлы Абайды.

Ұлылықты игерсек даралардан

Елімнің рухы мәңгі құламайды», - деген өлең жолдарын «Сырлы қалам» ұйымының мүшесі Бақтөре Қанибайұлы арнаса, Ақзер Сабырбай есімді жас ақын:

«Өлең өмір сен сүйген жырың, әнің,

Жүрекпенен бар мұңыңды ұғынамын.

«Көзімнің қарасы» деп елітетін,

Сүйемін сендік нұрын шұғыланың», - деп жүрекжарды өлеңін ұсынды.

«Бойымда жиылатын жақсы ән, күйің,

Адамдықты жаныма бақсам деймін.

Мен де бір кірпіші боп дүниенің

Кетігін тапсам деймін, тапсам деймін!» - деп Абай өлеңдерінен қуат алған Роза Шынжырбай есімді өнерлі өрен де жыр шумақтарын жолдады.

«Біздің ана тіліміз – ерекше әдемі, бай тіл. Сондықтан да, поэзиясы өте көркем. Қазақ поэзиясы дегенде ең алдымен Абай Құнанбайұлының есімін еске түсіреміз. Қазақ жазба әдебиетінің негізін қалаған бас ақынның туындылары түпсіз тұңғиық іспетті. Әрбір өлеңінде терең мән бар, әр шығармасында адам баласына керекті ақылдың бәрі бар. Біз поэзия деген әлемге енді ғана қадам басқан жас талапкер ретінде Абай атамыздың шығармаларын жатқа білуге міндеттіміз. Бүгінгідей дамыған цифрлы қоғамда қазақ поэзиясын насихаттап, Абай мұрасын ұлықтауға тамшыдай болса да үлес қоса білу негізгі мақсатымыз деп есептейміз», - деді жас ақындар.

 

 




Көрілген: 346    Пікірлер: 0

жұма, 11.09.2020, 12:07

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30