Өркениет

Тамара Асар: Аяғым жұлынып аспанға ұшқанда, адам баласының көзіне көрсетпегенмін

  • Тамара Асар: Аяғым жұлынып аспанға ұшқанда, адам баласының көзіне көрсетпегенмін

    Тамара Асар: Аяғым жұлынып аспанға ұшқанда, адам баласының көзіне көрсетпегенмін

Тамара Асар басынан өткен қиын күндерді бетіне басып, жазықсыз жала жапқан оқырманына жауап берді, деп хабарлайды Stan.kz.

Оқырмандарының бірі әншінің жекесіне жағымсыз хат жазған. Өз жазбасында ол кезінде Тамара Асардың арбада отырып, демеуші іздегенін, ал бүгінде халыққа танымал әнші болғандықтан, қарапайым адамдарды менсінбей кеткенін меңзеп жазған. Оқырманның жазықсыз жаласы, ауыр сөздері Тамара Асардың жанына батса керек, әнші көзіне жас алып қалғанын жеткізді. 

 
Ол хат иесіне Instagram-дағы парақшасында жауап берді.

"@sul.gulmira71 деген кісі дирекке менің өткен өмірімдегі, балғын кездегі тағдырдан көрген қиындықтарды әшкерелеп, өтірік қосып жазыпты.
Ешкім тағдырын таңдамайды. Тағдыр жазылады. Жаратқанға жалбарына отырып, оның амалдарын өзің реттейсің. Ыңғайланасың. Өзіңмен өзің күресесің. Айла-амалына бейімделесің. Еңбектенесің!", - деп бастады сөзін Тамара. 
Ол жол апатына түсіп, ауыр жарақаттар алғанын, тіпті мүгедек арбада отырғанын растады. Бірақ: 

"Бірақ “АРБАДА ОТЫРЫП, Қаражанбасмұнайға демеуші іздеп бардың” деуіңіз үлкен ӨТІРІК!
Мені Алла Намысшыл, өр, аршыл, кінәмшіл, еңбекқор етіп жаратыпты.
Аяғым жұлынып аспанға ұшқанда да оны тонмен жауып, адам баласының көзіне көрсетпегенмін. Арбамен, балдақпен мекеменің офисіне бармақ түгілі, бір досымның көзіне де көрінбегенмін. Арбада отырғанда үйден шықпай отырып, бірен-саран бала оқытқанмын. Ал аяғымды басқан күннен бастап, өзі ауыр,өзі томардай жуан протезді, екі түрлі размердегі аяқ киімді әдемі ұзын юбканың астына жасырып, жарақаттың қаны сорғалап тұрса да, ән шырқап, сахнаға шыққанмын.
Қаражанбас, Қаламқас, Өзенмұнайгаз, Жетібай басшылары мен мұнайшылары менің сол кездегі басты көреремендерім, олар мені мүгедектік арбада ешқашан көрген емес. Мен олардың есінде мәңгі өзім тіккен әдемі көйлекпен талдырмаш мүсінмен, әдеби сөзіммен, әсем әуенмен ән шырқаған күйімде жиырма бір жастағы Тамара болып қалдым деп ойлаймын. Себебі мен сондай образды таңдадым, олар қабылдады.

Сондықтан жерлесім Гүлмира ханым “Өтірікші өлгенді куә етеді” дегендей, мен жайындағы фантазияңызбен қарапайым халықты менсінбейсіз деген жала сөзіңіз, сіздей ұл өсірген, елуді еңсерген әйелге жараспайды… Оқығанда шамайыма тиіп кетті, көзіме жас келді", - деп жазды әнші.

Бұдан бөлек, Тамара Асар осы уақытқа дейін тіпті, бас ауруына шағымданып көрмегенін кесіп айтты. Қандай қиын жағдайға түссе де, мүгедекті сылтауратып, ешкімнен көмек сұрамағанын жеткізді. 

"Қандай қиын заман туса да ешқашан мүсәпірсіп, қайыр сұрап, мүгедектікті мүсе тұтып ешкімнің есігін қаққан емеспін. Осы күнге дейін айналамдағы бір досым, “басым ауырды, балтырым сыздады” деген сөзді менің аузымнан естіген емес,көрген емес!
Қазіргі таңдағы белең алған “қайыршылық сана мен құрбандық (жертва) рольден арылтатын мен білетін жол- ЕҢБЕК, НАМЫС, Әдемілікее ТАЛПЫНЫС!
Бөрі арығын білдірмей, екі аяқты сұлу етіп, теңестіру жолындағы сіңірген еңбегім шаш етектен! Шүкір", - деп түйіндеді сөзін ол.




Көрілген: 1103    Пікірлер: 0

сейсенбі, 31.08.2021, 10:36

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31