Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Төреғали Төреәлінің Астанадағы концерті өтпейтін болды

23 маусым 2023, 14:00

Отандық әнші Төреғали Төреәлінің 7 шілдеге жоспарланған концерті өтпейтін болды. Бұл жайлы Еркеғали Рахмадиев атындағы Мемлекеттік академиялық филармонияның баспасөз қызметі мәлім етті, деп жазады "Қазақпарат". 

"7 шілдеде Еркеғали Рахмадиев атындағы мемлекеттік академиялық филармонияда Төреғали Төреәлі мен Әбдіжаппар Әлқожаның концерті өтеді деп жоспарланған болатын. Кеше, 22 маусымда концертті ұйымдастырушы концерттің болмайтынын хабарлады. Демек бұл концерт біздің залда өтпейді", - деп хабарлады филармонияның баспасөз қызметі. Еске сала кетейік, 14 маусым күні Алматыда есірткіге масайған көлік жүргізушісі полицейлердің бұйрығына бағынбай, оқиға орнынан кетпек болғаны туралы жазған едік. Патрульдік полиция қызметкерлері жүргізушіні ұстап, медициналық сараптама жүргізген, нәтижесінде оның есірткіге мас екені анықталды. Сол күні есірткіге масайған Төреғали Төреәлі әкімшілік жауапқа тартылды. Ол 20 тәулікке қамауға алынып, 7 жылға көлік жүргізу құқығынан айырылған болатын. Кейінірек әншіні қамау мерзімі тағы үш күнге ұзартылды. 

"Қазақпарат".