Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Шаштың жиі түсуі қандай ауру түрлерінің белгісі болуы мүмкін: отандық дәрігер жауап берді

28 ақпан 2023, 14:05

Шаштың жиі түсуі ағзадағы бұзылыстың, қандай да бір патологияның белгісі болуы мүмкін. Бұл туралы Алматыдағы №36 қалалық емхананың жалпы практика дәрігері Гүлназ Юсупова айтты, деп жазады KAZ.NUR.KZ тілшісі.

"Адамда күн сайын шамамен 100 тал шаш түссе, бұл - қалыпты жағдай, шаш бұдан көп түсетін болса ағзадағы патологиялық процестерден хабар беруі мүмкін", - дейді дәрігер. Бұл ретте, Гүлназа Юсупова шаштың шамадан көп түсуіне себеп болатын ауру түрлерін атады.

Олар: қалқанша без, гипоталамус-гипофиз жүйесі, аналық без, бүйрек үсті безі аурулары; аутоиммунды аурулар (түйінді зоб, идиопатиялық гипопаратиреоз, Хашимото тиреоидиті); дерматологиялық аурулар (себорея, псориаз, экзема); ішкі орган аурулары (гастрит, колит, бүйрек және бауыр аурулары); авитаминоз; созылмалы инфекциялар (тонзиллит, синусит, синусит); цитомегаловирус инфекциясы, мерез; туберкулез; иммун тапшылығы жағдайлары.

Дәрігердің айтуынша, егер адам шаш тарағанда, бас сүрткенде, сондай-ақ жатын орыннан, басқа да тұрмыстық заттардан көп мөлшерде шаш түскенін байқаса, алдымен маманға көріну керек. Емдеу шараларын жасамас бұрын, дәрігермен бірге оның себептерін анықтау қажет дейді маман. 

KAZ.NUR.KZ