Ислам діні

8 наурыз әйелдер күнімен құттықтау күнә ма?

  • 8 наурыз әйелдер күнімен құттықтау күнә ма?

    8 наурыз әйелдер күнімен құттықтау күнә ма?

«8 наурыз мейрамымен құттықтау күнә ма» деп тұрсаңыз, оның күнәсі жоқ. Адамға жақсы тілек білдіргені үшін күнәға батып, тозаққа кіреді деп айта алмаймыз. Құттықтау - тойлау емес.

"8 наурыз" шариғи бір мейрам емес екендігі баршаға мәлім. Ол қоғамымызда орын алған құбылыстардың бірі. Шариғатта әйел адамына деген құрметтің қаншалықты екенін айтпасақ та белгілі. Мұсылмандар әр күні әйел кісілерге құрметпен қараулары тиіс.

Әйтсе де, әрбір қоғамда аса маңызды деп білген дүниелерді ерекшелендіріп, оларға арнайы бір күн арнап жатады. Мысалы, біздің елде «Тұңғыш Президент күні», «Балаларды қорғау күні», «Республика күні», «Конституция күні» т.б. атаулы күндер бар. Мұндағы мақсат - олардың маңыздылығына, қоғамдағы айрықша мәртебесіне, құндылығына назар аударту болып табылады. Сол сияқты, өмірімізде өзгеше орны бар аналарымызға да бір күнді арнап, сол күнді атап өтіп жатса, оның ешбір ағаттығы жоқ. 

Тағы да қайталап өтелік, 8 наурыз мейрамы шариғи бір мейрам емес. Құттықтауға ешкім міндеттелмейді. Бірақ, қоғамымызда орны бар айрықша күн ретінде әлдебір мұсылман кісі анасын немесе жарын яки әріптесін не ұстазын (шариғат шеңберінде) құттықтап жатса, оған бола күнәға батады деп айту қиын.

Аталмыш мейрамның шығу тарихы жайында түрлі деректер кездеседі. Дегенмен, тек қана шыққан тарихына қарап, кей дүниелерді харамға шығару қате тәсіл. Олай болса, 22 наурыз мейрамымен құттықтаудың үкімі не болмақ?! Наурыз мейрамының шығу тарихы Исламға дейінгі уақытқа тура келеді. Бұл мейрам "отқа табынушылардан" немесе "шаманизм" сеніміндегілерден бастау алуы мүмкін. Алайда, қазіргі таңда аталып өту мақсаты мүлдем өзгерген. Бұрынғы сенім-наным белгілері жойылып, құр дәстүрлі мейрам ретінде қалыптасты. Сол себепті, Наурыз мейрамын тойлау - шариғатқа қайшы емес дейміз. 8 наурыз әйелдер күні мейрамының бүгіңгі қоғамымыздағы халі де дәл солай. Фиқһта "Харам деген үкімге итермелеген себептін жойылуы нәтижесінде, оның харам үкімі де жойылады" дейтін мағынада қағида бар. 

Ең дұрысы – Аллаға мәлім! 

Абдусамат Қасым

ihsan.kz




Көрілген: 1102    Пікірлер: 0

дүйсенбі, 08.03.2021, 21:46

Достарыңмен бөліс:



  • СОҢҒЫ ЖАРИЯЛАНЫМДАР:
    5 Мамыр, 19:00
    «ҚАДІР» СҮРЕСІ
    22 Сәуір, 19:45
    ОРАЗА ТУРАЛЫ АҢЫЗ
    17 Сәуір, 22:05
    Садақаның пайдасы
    14 Сәуір, 19:55
    ПІТІР САДАҚА ҮКІМІ
    12 Сәуір, 12:55
    ОРАЗАНЫҢ 14 ПАЙДАСЫ
    12 Сәуір, 01:14
    Оразаның 14 пайдасы
    10 Сәуір, 14:29
    ҺАШИМ ЖӘМИЛ ОҚИҒАСЫ
    2 Сәуір, 01:26
    ШАРИҒАТ ДЕГЕН НЕ?

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31