Ислам діні

АҚЫЛДЫ АДАМ ДҰШПАНЫМЕН ҚАЛАЙ СӨЙЛЕСЕДІ?

  • АҚЫЛДЫ АДАМ ДҰШПАНЫМЕН ҚАЛАЙ СӨЙЛЕСЕДІ?

    АҚЫЛДЫ АДАМ ДҰШПАНЫМЕН ҚАЛАЙ СӨЙЛЕСЕДІ?

Кез келген адамның бәсекелесі болады. Ол &ndash ақиқат. Қазақ аяқтан шалуға тырысып бағатын адамдарды "дұшпан" деп атайды. "Үйренген жау атыспаққа жақсы" дейді халық. Дұшпанымен айғайласу ешкімге абырой әкелмейді. Әліптің артын бағуды құп көретін ақылды адамдар бәсекелесіне қалай жауап қайтарады екен? 

Егер сізді біреу ұнатпаса, ол "нашар адам" деген сөз емес. Барлық адамға бірдей ұнау мүмкін бе? Сіз сияқты ойлауға ешкім міндетті емес. Сондықтан өзге адамның пікірін құрметтеп үйреніңіз. Ақылды адамдар өзін ұната бермейтін жанның пікірін үнсіз тыңдап, одан қорытынды шығаруға тырысады.  Байқағаныңыздай, бірінші ереже &ndash үнсіздік.

Ал екінші әрекет &ndash төзімді болу. Сізді жек көретін жан үнемі жаныңызға жара салумен болады. Өйткені ол сізді ұнатпайды, сіз отырған жерге барғысы келмейді, сізді көргісі жоқ. Бірақ өмір болған соң, кездесуге, сөйлесуге тура келіп жатады. Сондай сәтте ақылды адамдар төзімді болуға тырысады. Бұл оңай емес, әлбетте. Бірақ төзімді болсаңыз, жүйкеңізге салмақ аз түседі. 

 Үшінші ереже &ndash сыпайылық. Дұшпаныңызбен сөйлесуге мәжбүр болдыңыз. Сыпайы сөйлеңіз. Егер оған қатты сөйлеп, дауысыңызды көтерсеңіз, ол да сізді балағаттап тастауы мүмкін. Ақылды адамдар бәсекелесімен мейлінше сыпайы сөйлесуге тырысады. 

Төртінші ереже &ndash жүйкені мықты ұстау. Ақылды адамдар үздіксіз дамып отырады, кітапты көп оқып, үнемі ізденумен жүреді. Психологиялық кітаптар адамды кез келген ситуациядан дұрыс жол табуға баулиды. Егер жүйкеңіз мықты болса, көңіліңізге жақпайтын әрекетті қалыпты қабылдай аласыз. Ұрыс-керіс шығарып, айғайлап, өз жүйкеңізге өзіңіз салмақ салудан аулақ болыңыз. Ақылды адамдар жүрек пен жүйкені сау сақтауға тырысады. 

Бесінші ереже &ndash өзгеге өлім тілегенше, өзіңе өмір тіле. Дұшпаныңыздың ашуыңызға тиген әрекетін ой елегінен өткізіңіз. Неге ол үнемі осылай жасайды? Неге оған ұнамайсыз? Неге ол сізді жек көреді? Неге ол жанды жеріңізге тие береді? Мәселенің бәрі өзіңізде шығар? Алдымен өзіңіз өзгеріңіз. Оны түзеймін деп әуре болғанша өз жүрегіңізге үңіліңіз. Ақылды адамдар өзгеруден қашпайды. 

Алтыншы ереже &ndash терең тыныстау. Жағымсыз оқиға болған кезде үзіліс алыңыз да, терең тыныстаңыз. Бұл &ndash психология ғылымы миға пайда әкелетінін дәлелдеген ғаламат әдіс. Сенбесеңіз, орындап көріңіз. Ақылды адамдар ашуға мінбестен бұрын бір рет ауаны көбірек жұтып, сабырға келеді. 

 Жетінші ереже &ndash қашықтық. Ақылды адамдар өзіне ұнамайтын жандардан алшақ жүргенді құп көреді. Ол өз жөнімен жүре берсін, сіз өз жолыңызды табыңыз. Қайта кіретін есікті қатты жабуға болмайды. Ешкім алдынан не күтіп тұрғанын білмейді. Бәлкім дұшпаныңызбен болашақта туыс болып қаларсыз? Балаларыңыз бір-бірін ұнатып қалса ше? Тағдырдың қандай тосын сый дайындап қойғанын білмейсіз. Сондықтан қатты сөз айтудан тыйылып, көбіне одан аулақ жүріңіз. 

Сегізінші ереже &ndash өсек айтпау. Отыз тістен шыққан сөздің отыз рулы елге тарайтынын білесіз. Сондықтан әңгіме ол туралы болғанда, өсекке араласпаңыз. Өмірде жаман адам, жақсы адам деген ұғым жоқ. Ең жаман адам дегеннің өзі &ndash біреудің баласы. Демек анасы үшін одан жақсы адам жоқ. Ешбір ана өзінің баласын "нашар адам" деп есептемейді. Дұшпаныңыз жайлы жағымсыз пікір айтып, абырой таппайсыз. Ақылды адамдар "сырттан өсек айту" деген жаман әдетке жоламайды.  Дұшпаныңыздан биік болыңыз. Сонда жүрегіңіз тыныштық табады. 

Massaget.kz




Көрілген: 4756    Пікірлер: 0

дүйсенбі, 23.11.2020, 19:12

Достарыңмен бөліс:

  • СОҢҒЫ ЖАРИЯЛАНЫМДАР:
    13 Қаңтар, 13:52
    ҚАРҒЫС АЙТУҒА БОЛАМА?
    11 Қаңтар, 13:05
    Тәубе нығметі
    2 Қаңтар, 16:24
    БӘРІНЕН ОЗАМ ДЕСЕҢ!..
    22 Желтоқсан 2020
    ҺАШИМ ЖӘМИЛ ОҚИҒАСЫ
    18 Желтоқсан 2020
    ӨЗІМДІ ІЗДЕП ЖҮРМІН
    10 Желтоқсан 2020
    ЕҢ ІЗГІ 10 ТҮРЛІ АМАЛ
    3 Желтоқсан 2020
    ҚИЯМЕТ ҚАШАН БОЛАДЫ?
    28 Қараша 2020
    Қырық жастың дұғасы
    26 Қараша 2020
    Мұсылманша түс жору

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31