Ислам діні

БАЛАМ, САҒАН АЙТАРЫМ БАР

  • БАЛАМ, САҒАН АЙТАРЫМ БАР

    БАЛАМ, САҒАН АЙТАРЫМ БАР

 КӨЗ БЕН ТІЛ
Балам, көзің мен тіліңе абай бол. Ол екеуі бұзылса сенімің бұзылады. Сенімің бұзылса болашағың нұрлы болмайды.

ЖАҚСЫ СӨЗ
Балам, көп күлме, көп тыңда. Сөйтсең жақсы сөз жүрегіңе қонады. Жақсы сөзге мән берсең ол сені жақсылыққа бастайды.

ХАЛЫҚ – СҮТ, КӨСЕМ – ҰЙЫТҚЫ
Балам, ақыл біреуде, қайрат көпте болады. Сондықтан көп ақыл таппайды. Көп біреу тапқан ақылды қорытады. Халық – сүт, көсем – ұйытқы. Ұйытқы дұрыс болса сүт бауырдай боп ұйыйды. Дұрыс болмаса іркіттей боп іриді, соны біліп ал.

КӨСЕМСІМЕ
Балам, көсем көп болмайды. Көптік ғалымдықта ғана ұнамды. Көсемсігені көп болған елдің – болашағы бұлыңғыр болмақ.

ҚАЛАМ
Қалам – ұлық болған Аллаһтың он сегіз мың ғаламды жаратудан бұрын, ең алғашқы жаратқан кереметтерінің бірі. Сондықтан оны таза тұт.

«ЕРТЕҢ ДЕГЕН ЖОҚ»
Балам, бүгін істейтін ісіңді бүгін істеп бітір, ертеңге әсте қалдырушы болма. «Ертең деген жоқ» деген бір білгір. Жаны бар сөз. Менің өмірімдегі қателігім де, жеңілісім де осы болды.

СӨЙТ
Балам, еліңе елеулі, халқыңа қалаулы, ісіңе тыңғылықты да тындырымды азамат боламын десең – отырып істеуге дағдылан. Жұртыңа жыл құсындай анда-санда бір көрін. Жұртың сенің өзіңді емес, тындырған ісіңді көбірек көретін болсын. Өзіңді емес, ісіңді танысын. Ал көп жүріс таза көңілді бұзады, инабатыңды алады, уақытыңды өлтіреді.

ҮШЕУІН БІЛ ДЕ ҰШ
Балам, ненің нәпсі екенін, ненің ақыл екенін, ненің жүрек екенін біл. Нәпсіні білсең сақтанасың, ақылды білсең парасаттанасың, жүректі білсең кіршіксізденесің. Ал ол үшеуін бірдей біліп, ұстансаң кемелденесің.

Құл-Керім Елемес




Көрілген: 2340    Пікірлер: 0

жұма, 04.09.2020, 19:46

Достарыңмен бөліс:





  • СОҢҒЫ ЖАРИЯЛАНЫМДАР:
    21 Қараша, 19:55
    ТӘУБЕ ҚЫЛУҒА АСЫҒЫҢЫЗ
    19 Қараша, 01:03
    Әке-шешемді сатамын...
    16 Қараша, 15:54
    ӘУРЕТТІ ЖАБУ ДЕГЕН НЕ?
    11 Қараша, 10:51
    Ақырғы сәт!
    8 Қараша, 19:42
    Күнә және сауап
    4 Қараша, 16:02
    ӘУЛИЕ БОЛУ ОҢАЙ МА?
    24 Қазан, 00:30
    ТЫЙЫМДАРДЫҢ ХИКМЕТІ
    15 Қазан, 14:20
    ШАЙТАН МЕН МАҚТАН
    8 Қазан, 17:35
    Жұма күнгі әдептер
    6 Қазан, 16:26
    ҚАБІР ӨМІРІ

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30