Ислам діні

«Бұл Лұт дәуірінде жасалған азғындықтың жалғасы»: Мүфтият Цойдың бұйрығына қатысты мәлімдеме жасады

  • «Бұл Лұт дәуірінде жасалған азғындықтың жалғасы»: Мүфтият Цойдың бұйрығына қатысты мәлімдеме жасады

    «Бұл Лұт дәуірінде жасалған азғындықтың жалғасы»: Мүфтият Цойдың бұйрығына қатысты мәлімдеме жасады

Қазақстан Мұсылмандары Діни Басқармасы Денсаулық сақтау министрі Алексей Цой жыныс ауыстырудың ережелері жазылған бұйрығына қатысты мәлімдеме жасады, деп хабарлайды Skifnews.kz ақпарат порталы.

Мүфтияттың айтуынша, бұл ақылға сыймайтын дүние яғни Лұт пайғамбардың дәуірінде жасалған азғындықтың жалғасы. 

«Бірер күн бұрын Денсаулық сақтау министрі Алексей Цой жыныс ауыстырудың ережелері жазылған бұйрыққа қол қойғаны белгілі. Ол жерде жынысты неше жастан бастап ауыстыруға болатыны және қандай адамдарға рұқсат етілмейтіні, т.б. талаптары көрсетілген. Ал дінімізде еркектің әйел немесе әйелдің еркекке айналуына рұқсат бар ма? 

Қазақстан мұсылмандары діни басқармасы 2016 жылы осы мәселеге қатысты арнайы пәтуа шығарған екен. Соған назар салып көрелік: «Аса мейірімді, ерекше рақымды Алланың атымен бастаймын. Барша мадақ әлемдердің Раббысы Аллаға тән. Адамзаттың ардақтысы Мұхаммедке, оның отбасы мен сахабаларына салауат пен сәлем болғай!

Қазіргі заманауи медицинада адамның жыныстық ағзаларын ауыстыру өзекті мәселелердің біріне айналды. Шариғи тұрғыдан жыныстық мүшені ауыстыруға тыйым салынады. 

Оған төмендегі мына аят-хадистер айғақ болады. 

1) Жыныстық мүшені ауыстыру &ndash Жаратушының жаратылысын өзгерткенмен тең. Алла Тағала мұндай өзгертулерді харам еткен. Себебі, мұндай сорақы іс-әрекет Ібіліс шайтанның діттеген мақсатына кіреді. Алла Тағала Құранда Ібіліс шайтанның былай деп ант ішкендігін ескертеді: «Мен, оларға (адамзатқа) Алланың жаратылысын өзгертсін деп, сөзсіз, әмір етемін».

 2) Шариғатта ер кісінің әйелге, әйелдің ер кісіге ұқсауына қатаң тыйым салынған. Абдулла ибн Аббас (р.а.):«Пайғамбарымыз (оған Алланың салауаты мен сәлемі болсын) әйелге ұқсағысы келген еркектерге және еркектерге ұқсағысы келген әйелдерге лағынет айтты», &ndash деген. 

3) Мұндай жыныстық өзгертулер ер мен ердің, әйел мен әйелдің үйленуіне жол ашады. Ал шариғатымыз мұндай сорақы істі харам еткен. Ер мен ердің немесе әйел мен әйелдің жыныстық қатынасқа баруы &ndash Лұт пайғамбардың дәуірінде жасалған азғындықтың жалғасы. 

Дүниежүзілік мұсылман Лигасына қарасты Ислами Фиқһ Академиясы өзінің он бірінші отырысында осы мәселе жөнінде: «Аталық жыныс мүшелері толық жетілген ер кісінің немесе аналық жыныс мүшелері толық жетілген әйелдің жыныс мүшесін қарсы тараптың жыныс мүшесіне ауыстыруы &ndash харам іс. Бұл үлкен күнәлардың қатарына жатады. Мұндай сорақы іске қадам басқан адам жазаға лайық болады. Өйткені бұл іс Алланың жаратқан жаратылысын өзгерткенмен тең», &ndash деген шешім шығарған.

ҮКІМ: 

Шариғат бойынша ер кісінің жыныс мүшесін әйелдің жыныс мүшесіне ауыстыруы немесе әйелдің жыныстық мүшесін ер кісінің жыныстық мүшесіне ауыстыруы &ndash харам. 
ҚМДБ Шариғат және пәтуа бөлімі», - делінген діни басқарманың мәлімдемесінде.




Көрілген: 1923    Пікірлер: 0

сәрсенбі, 09.12.2020, 12:50

Достарыңмен бөліс:

  • СОҢҒЫ ЖАРИЯЛАНЫМДАР:
    22 Ақпан, 20:26
    АЯТ ДЕГЕН НЕ?
    20 Ақпан, 14:51
    СҮРЕ ДЕГЕН НЕ?
    19 Ақпан, 01:50
    Мешіт әдептер
    17 Ақпан, 19:47
    САУАБЫ КӨП АМАЛДАР
    3 Ақпан, 11:37
    Рия деген не?
    28 Қаңтар, 17:38
    Мен неге кедеймін?
    27 Қаңтар, 13:29
    Сабырлық
    27 Қаңтар, 10:29
    Алланы тану
    26 Қаңтар, 16:37
    Қабірдің ахуалы
    26 Қаңтар, 10:55
    Өлім сәті

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31