Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Дүниеде ең көп оқылатын кітап

24 желтоқсан 2022, 15:44

Сұрақ: Дүниеде ең көп оқылатын кітап қандай?

Жауап: Бұл қарапайым болғанымен қызық сұрақ. Әсіресе түрлі әлеуметтік желілерде исламға қарсы исламофобия тудыру мақсатында жалған ақпараттар таратылып жатқан кезде қажет мәлімет.

 Ислам адам саны бойынша әлемдегі христиан дінінен кейінгі екінші дін. Ғаламтордағы ашық дереккөздеріне сүйенсек, мұсылмандардың саны 2022 жылғы деректерге сәйкес 1,9 млрд адам, яғни әлем жұртының 24,5 % құрайды екен. Бұл адамның барлығы практик мұсылман емес екені белгілі. Бірақ соған қарамастан, Құранды құлшылық кітабы екенін ескерсек, онда еріксіз дүниеде ең көп оқылатын кітап – Құран екенін түсінеміз.

 Мысалы, Құран бес уақыт намазда, үйде, мешітте, қажылықта, дастарқан басында, тойда, аста, т.б. оқылады. Бес уақыт намаз оқитын адам Құранды бір күнде бес мәрте қайталайды деген сөз.

Бұған қоса әлемдегі уақыт белдеулеріне байланысты жағрафиялық аймақтарда сағат айырмасы болғандықтан дүниеде бес уақыт азанның шақырылуы, бес уақыт намаздың оқылуы үздіксіз жалғасып жатыр. Сонда Құранның оқылуы 365 x 24, яғни мүлде тоқталмайды деген сөз.

 Жалғас САДУАХАСҰЛЫ

mazhab.kz