Ислам діні

Фатиха сүресінің түсірілуі

  • http://ihsan.kz/

    http://ihsan.kz/

Бірде Пайғамбарымыз (с.ғ.с.) сахабаларымен бірге отырған кезде сырттан дабылдың (муз.аспап) даусы естіледі. Пайғамбарымыз (с.ғ.с.):

 

- Мекке тұрғындары неге шулап жатыр? - дейді.

 

- О, Алланың елшісі! Қалаға сауда керуендері кіріп келеді. Адамдар соған қуануда, - дейді сахабалар.

 

- Онда, тұрыңдар. Біз де көріп келейік, деп барлығы сыртқа шығады.

 

Қалаға бір-бірден жеті керуен кіріп келе жатыр екен. Пайғамбарымыз (с.ғ.с.) байлыққа малынған саудагерлерді көріп: «Алла тағала бұл саудагерлерге мол байлық берген екен, ал менің сахабаларымда оның бірі де жоқ» - деп мұңаяды. Расында, Алла елшісі (с.ғ.с.) мен сахабалары өте жұтаң тұратын. Кейде тіпті аш жататын күндері де болушы еді. Осылайша ойланып тұрғанда Жебірейіл (ғ.с.) пайда болып:

 

- Уа, Алла елшісі! Алла саған жеткізуді бұйырды: саған жеті аяттан тұратын сүре («Фатиха») жіберді. Оны үнемі оқитындарға тозақтың жеті есігі жабық. Өлімнен басқа барлық ауруға ем.

 

Бұл сүре түсіп жатқанда бір шайтан дірілдеп, айғайлай бастады. Басшыларының ары мұны естіп: «Не болды?» - деп сұрайды. Ол былай деп жауап береді: «Бүгін ол үмметке сондай бір сүре түсті, оны оқығандар жұмаққа кіреді. Оны оқитын адамға қарсы біз ешнәрсе істей алмаймыз. Біздің қақпанымыз, азғыруымыз құрдымға кетеді».

 

- О, Мұхаммед! - деп сөзін жалғады Жебірейіл (ғ.с.). Жеті аяттан тұратын бұл сүре қалаға кірген жеті керуеннен артық емес пе?

 

- Әрине, бұл сүре әлдеқайда артық, - дейді Пайғамбарымыз (с.ғ.с.)

 

- Олай болса сен оның қасиетін ұғынып, құрмет көрсет.

 

Сосын Пайғамбарымызға (с.ғ.с.) бір аят түседі де, Алла елшісі (с.ғ.с.) оны оқиды: «Кәпірлердің бір бөлігіне берген дүниелік өткінші нығметтерімізге қызығып көз сүзбе. Сондай-ақ (иман етпеді, ақиқатты түсінбеді деп) олар үшін мұңайма. Мүміндерге жанашыр, кішіпейіл әрі қолқанат бол!» («Хижр» сүресі, 88-аят).

 

Сол замандағы Аттадан (р.а.) «Фатиха» сүресі қашан түсті деп сұрағанда: «Ол Меккеде болған, жұма күні Пайғамбарымызға (с.ғ.с.) Алланың берген сыйы. «Фатиха» түсіп жатқан уақытта, жерге Жебірейіл (ғ.с.) жетпіс мың періштенің қоршауында түсті».

 

Бір деректе: «Істеген күнәлар үшін Алла жазалайды. Алайда кімде-кім «Фатиха» сүресін оқитын болса, Алла тағала ол кісіні 40 жылдық жазадан құтқарады» - делінеді.

 

Анығын Алла біледі.

 

 

 

Ihsan.kz

 

 




Көрілген: 3222    Пікірлер: 0

бейсенбі, 09.09.2021, 18:48

Достарыңмен бөліс:





  • СОҢҒЫ ЖАРИЯЛАНЫМДАР:
    15 Қазан, 14:20
    ШАЙТАН МЕН МАҚТАН
    8 Қазан, 17:35
    Жұма күнгі әдептер
    6 Қазан, 16:26
    ҚАБІР ӨМІРІ
    23 Қыркүйек, 19:49
    «Иманды болсын» демеңіз!
    22 Қыркүйек, 19:16
    ҮЙГЕ ДЕ КӨЗ ТИЕ МЕ?
    22 Қыркүйек, 14:24
    ТҮНГІ ҚҰЛШЫЛЫҚ
    13 Қыркүйек, 17:18
    Тұмар тағуға бола ма?
    10 Қыркүйек, 19:06
    ШАЙТАН НЕДЕН ҚОРҚАДЫ?
    30 Тамыз, 11:39
    НАМАЗДА КӨЗДІ ЖҰМУ

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31