Ислам діні

ГИВ ойнатуға тыйым салынады: ҚМДБ ғалымдарының жаңа пәтуасы жарияланды

  • ГИВ ойнатуға тыйым салынады: ҚМДБ ғалымдарының жаңа пәтуасы жарияланды

    ГИВ ойнатуға тыйым салынады: ҚМДБ ғалымдарының жаңа пәтуасы жарияланды

Қазақстан мұсылмандар діни басқармасына қарысты ғұламалар кеңесі "Форекс" нарығында сауда жасап, табыс табуға тыйым салды. Сондай-ақ, ғалымдар ұтыс ойындарында шариғат бекіткен шарттар толық орындалмайды деді. Сондықтан әлеуметтік желіде ұйымдастырылатын Гив ойындарына да қатысудың ережесі бекітілді, деп хабарлайды Stan.kz ақпарат агенттігі 31 арнаның “Информбюро” бағдарламасына сілтеме жасап.

Осымен ХХХІ рет өткен ғұламалар кеңесінде елді толғантқан ең өзекті мәселелер жан-жақты талқыланып, бірқатар жаңа пәтуа қабылданып отыр.

 
Шариғат негіздеріне сүйенген ғалымдар соңғы кездері қоғамды толғандырған түйткілді мәселелерді талқылап, бірқатар жаңа пәтуа шығарды. Мысалы, көптеген жастарды "онлайн неке қию" мәселесі қызықтырған. Дін қызметкерлері күйеу жігіт пен қалыңдық және куәгерлер бір жерде отырмаса немесе сөйлеген сөздері естілмесе неке қиюға рұқсат жоқ деп шешкен. Бірақ белгілі бір себептермен неке қиятын имам басқа жерде ал, қалғандары бір шаңырақ астында болса рұқсат етіледі екен.

Ал "Гив" ойнатқанда парақшаға тіркелушілер тарапынан кіру жарнасы алынса не бір затты сатып алу шарты қойылса конкурсқа қатысуға болмайды. Яғни, тыйым салынып отыр. Егер тіркелушілерден жарна алынбай, ұтыс демеушілер тарапынан қойылса қатысуға рұқсат.

Әлеуметтік желіде бірнеше рет "Гив" ұйымдастырған Ақмарал Елшінбай көп жағдайда ойынға тігілген ұтыстар демеушілер жағынан болады деді. Тиісінше, ғалымдар айтқан ереже де бұзылмайды екен.

“Қатысатын қарапайым халықтан ешқандай ақша алмаймыз. Олардан тек қана өзімізден және демеушілерден болатын қаражатқа сыйлығымызды аламыз да сол сыйлықты тегін таратып беретін боламыз”, – деді блогер Ақмарал Елшін.

Кеңесте қаралған тағы бір мәселе тұрмыс құрған әйелдің тегін ауыстыруы. Ғалымдар талқылай келе "әркім өз әкесінің атымен аталуы керек. Әкесінің атын өзгерту харам" деп үкім шығарыпты. Әрі, тұрмысқа шыққан әйел де өз тегінде қалғаны дұрыс ал, жарының тегіне өту-өтпеуі өз еркінде деді. Бірақ ер адамға зайыбын тегіне өтуге міндеттеуге болмайды.

Сондай-ақ, заман талабына сай ғылым мен технологияны пайдалана отырып жаңбыр жаудыру - шариғатқа қайшы емес деп танылған. Бастысы қоршаған ортаға зияны келмесе болғаны,- дейді кеңес мүшелері.

“Оның маңыздылығын, оның өзектілігін оған қатысты біздің Ханафи мазхабында және де бұрынғы классикалық еңбектерде және кейінгі ғалымдардың оған қатысты тұжырымдары қандай соған тоқтала отырып, бүгінгі қоғамға, жастарға, халыққа ұғынықты, түсінікті тілде осылайша пәтуа шығарылады”, – деді ҚМДБ Уағыз-насихат бөлімінің меңгерушісі Батыржан Мансұров.

Дін қызметкерлері жерленген мәйітті ешбір себепсіз қайта қазып алып, екінші бір жерге көшіріп жерлеуге шариғат тыйым салады деді. Ал марқұмның зиратынан топырақ алып, басқа жерге апарып қабір жасау дұрыс емес. Себебі ол қабір болып саналмайды екен.

Stan.kz




Көрілген: 822    Пікірлер: 0

жексенбі, 26.09.2021, 13:26

Достарыңмен бөліс:





  • СОҢҒЫ ЖАРИЯЛАНЫМДАР:
    15 Қазан, 14:20
    ШАЙТАН МЕН МАҚТАН
    8 Қазан, 17:35
    Жұма күнгі әдептер
    6 Қазан, 16:26
    ҚАБІР ӨМІРІ
    23 Қыркүйек, 19:49
    «Иманды болсын» демеңіз!
    22 Қыркүйек, 19:16
    ҮЙГЕ ДЕ КӨЗ ТИЕ МЕ?
    22 Қыркүйек, 14:24
    ТҮНГІ ҚҰЛШЫЛЫҚ
    13 Қыркүйек, 17:18
    Тұмар тағуға бола ма?
    10 Қыркүйек, 19:06
    ШАЙТАН НЕДЕН ҚОРҚАДЫ?
    30 Тамыз, 11:39
    НАМАЗДА КӨЗДІ ЖҰМУ

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31