"Жұма мүбәрәк" деп айту дұрыс па?
Қазіргі таңда көп адамдар жұма күні "Жұма мүбәрак!" деп айтуды жиі əдетке айналдырған.
Осыған байланысты, Маруф Ахмед деген ханафи шейх айтады:
"Негізі "Жұма мүбәрак" деген сөздің дұрыс айтылу формасы - "Джум'атун мубəəракəһ" (جمعة مباركة)
Себебі, "жұма" сөзі (جمعة) əйел тегіне (женский род) жатады. Араб тілі ережесіне сай, əйел текте келген сөзге өзге сөз тіркессе, сол сөздің соңына "тə мəрбута" (ة) жалғанып, əйел тегіне айналады.
Сондай-ақ, "жұма мүбәрак" деп айту ешбір хадиспен немесе сəлəфтардың амалымен бекітілмеген.
Алайда, мұсылманның өзара жақсы қарым-қатынас жасап, бір-біріне жылы сөздер арнауы ұнамды амал болғандықтан, бұлай айту құпталады.
Бірақ, кімде кім бұлай айтуда қандай да бір артықшылық бар немесе сүннет деп есептесе "бидғат" болады."
