Қабірге қолын тығып отырған діндарлар елді шошытты (видео)

20 ақпан 2022, 10:29

Дінге жат әрекет бейнеленген видео Facebook желесінде жария болды, деп хабарлайды Экспресс К.

 

Әлеуметтік желіде жария болған видеода белгісіз бір топ адам зират басында бейнеленген. Олар қабір топырағына қолын тығып, түсініксіз бір ритуал жасап отыр.

 

Мынандай зат жоқ қой, ағайындар, не істеп жатсыңдар? Біздің муфтиятта жоқ заттар ғой, бұлар! Мен сендерге қой дедім ғой. "Қой" деген соң, қою керек қой, адам деген, — деп ашына сөйлейді видео авторы.

 

Кадрға түсіп қалған зират басындағы топ қабір жанында жасап жатқан түсініксіз ритуалдарын бітіре салып, ол арадан тез жылыстап кетеді.

 

"Мыналар әбден азғындап кетіпті", "Бұл не масқара? Муфтият қайда қарап отыр?", "Қабірдегі адаммен блютуз арқылы байланысып отыр ма?", "Жердің астынан бір қол шығып, тартып алып кетпейді екен, өздерін", "Дінді де былғап болдық-ау", — деген секілді жазба қалдырушылар көп.

 

 

Комментарий авторларының сөзіне сенсек, видео жаздың күні Маңғыстау облысында түсірілуі мүмкін.

 

Ойбу, масқара! Молдалар тағы бір жаңалық шығарып алыпты. Өлік көмілген топыраққа қолын тығып қойып құраннан аяттар оқып отыр. Осыған дейін передача "блютуз" арқылы еді, мынау енді прямой контактіге өтіпті, — дейді бейнежазбаны әлеуметтік желіге жүктеген автор.