Ислам діні

Қажылық ғибадатының маңызы

  • https://kk.wikipedia.org/

    https://kk.wikipedia.org/

Құдіреті шексіз Алланың бізге парыз еткен амалдарының бірі &ndash қажылық. Шынайы иман келтірген, мал-мүлкі, денсаулығы жақсы болған адам өмірінде бір рет болсын қажылыққа баруы парыз.

Бұл жайында қасиетті Құрандағы: «Қажылық және умраны Алла үшін толық орындаңдар» деген аяттарды мысал келтіре аламыз. Парызды орындау маңызды болғаны секілді оны орындау да үлкен сауап. Осынау әз Пайғамбарымыз (Алланың игілігі мен сәлемі болсын) туып-өскен,  иман нұрын ұрпаққа жеткізіп, үмбетін Алланың әмірлерін орындауға алғаш шақыра бастаған жерді өмірімізде бір рет зиярат етудің сауабы өте үлкен.  Бұл жайында Пайғамбарымыз (Алланың игілігі мен сәлемі болсын): былай дейді: «Кімде кім Алла Тағала ризашылығы үшін қажылық жасаса, жаман сөзден, жаман қылықтардан, күнәлардан сақтанса анасынан туылғандай пәк болып қайтады» - деген. Бұл айтқан хадистен қабыл болған қажылықтың сауабы өткен өміріміздегі жасаған үлкенді-кішілі күнәларымызды жоятынын ұғамыз.  Осындай мәнге толы аят-хадистерді естігенде Алланың мейірімділігі мен кереметіне еріксіз бас иесіз.

 

          Алла парыз еткен әр амалдың астарында түгесілмейтін һикмет пен ғибрат бар. Қажылықтағы әр елден келген әр ұлт өкілдері нәсіліне, кәсіп-мансабына, бай-кедейлігіне қарамастан бір Құбылаға жиналып, бірдей киініп, бірдей амалдарды орындауы адамның дүниедегі дәрежесі қандай болмасын Алланың алдында бәрінің де бірдей құл екенін аңғартады. Осы тұрғыдан біз бұл ұлық ғибадатты &ndash теңдіктің символы десек артық айтқандығымыз емес. Сонымен қоса әр елдің мұсылмандары жұмыла бірігіп құлшылық жасауы &ndash мұсылмандар арасындағы рухани байланысты берәк етіп, бірлігін нығайта түседі. Міне, қажылық ғибадатының астарында осындай терең сауабы мен пайдалары жатыр. Қияметте барша адам атаулыны Жаратушы Иеміз махшар алаңына жинайтыны сияқты «Алланың қонақтары» болған қажылар да бір Құбылаға жиналып, ғибадат етеді. Қажылық жасау бақыты бұйырған пенделерді «Алланың қонақтары» деуімізге себеп болатын хадистердің бірінде: «Қажылық жасаушылар мен умраға барғандар&ndashАлланың сыйлы қонақтары. Егер бұлар тілек тілесе , Алла тілектерін қабыл алады, күнәларына кешірім сұраса, күнәларын кешіреді» - деп сүйіншіленген. Сондай қасиетті мекенді зиярат етіп, киелі жерде ғибадат ету кез-келген адамға бұйыра бермейтін бақ.

 

        Өмір бойы «Үмбетім! Үмбетім!» деп иман келтірген жандарды ғибадат етіп, қияметтегі азабынан қорғануға шақырған әз Пайғамбарымыздың (Алланың игілігі мен сәлемі болсын) туып өскен жерін көру, алғашқы мұсылмандардың намаз оқыған жерінде намаз оқу, әлемнің әр елінен келген мұсылман бауырлармен бір сапта тұру кез-келген адамның жүрегін елжіретіп, көкірек көзін ашып, аллаға деген махаббатымызды арттырары хақ. Сабырлыққа тәрбиелеп, тәрбие мектебі болатын Алланың парызы қажылықтың сауабы жайлы әз Пайғамбарымыз (Алланың игілігі мен сәлемі болсын) тағы бір хадисінде «Қабыл болған қажылықтың сыйы &ndash тек ғана жәннат», &ndashдейді. Мейірімі шексіз Алланың парызын орындап, Қасиетті мекенді таууап етуді баршамызға бұйырсын деп тілейміз. Қажылық жасап, рухани тазарып, мол сауапқа кенелу әр мұсылманға нәсіп еткей!

 

 

 

Пайдаланылған әдебиеттер: Құран Кәрім «Бақара»  сүресі, 196-аят

 

 

 

Қаражал қалалық мешітінің Бас имамы Советов Талғат

ihsan.kz




Көрілген: 613    Пікірлер: 0

сәрсенбі, 23.12.2020, 15:23

Достарыңмен бөліс:

  • СОҢҒЫ ЖАРИЯЛАНЫМДАР:
    22 Ақпан, 20:26
    АЯТ ДЕГЕН НЕ?
    20 Ақпан, 14:51
    СҮРЕ ДЕГЕН НЕ?
    19 Ақпан, 01:50
    Мешіт әдептер
    17 Ақпан, 19:47
    САУАБЫ КӨП АМАЛДАР
    3 Ақпан, 11:37
    Рия деген не?
    28 Қаңтар, 17:38
    Мен неге кедеймін?
    27 Қаңтар, 13:29
    Сабырлық
    27 Қаңтар, 10:29
    Алланы тану
    26 Қаңтар, 16:37
    Қабірдің ахуалы
    26 Қаңтар, 10:55
    Өлім сәті

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31