Ислам діні

Намазда саптың арасы алшақ болса, жамағат намазының сауабы беріле ме?

  • Намазда саптың арасы алшақ болса, жамағат намазының сауабы беріле ме?

    Намазда саптың арасы алшақ болса, жамағат намазының сауабы беріле ме?

Жамағат намазы дегеніміз &ndash имамның артында тұрып, парыз, уәжіп, тарауық намаздарын оқу. Жамағат намазы &ndash ер кісілер үшін бекітілген сүннет және сауабы өте үлкен. Пайғамбарымыз (оған Алланың салауаты мен сәлемі болсын)

«Жамағатпен оқыған намаздың сауабы жеке оқыған намаздан жиырма жеті есе артық»[1], &ndash деген. Сондай-ақ жамағат намазына қатысу ниетімен мешітке барған адамның әрбір қадамына сауап жазылып, күнәсі төгіледі. Елімізде карантин режимінің жұмсаруына байланысты мешіттерімізде жамағат намазы арнайы санитарлық талаптарды қатаң сақтай отырып жүзеге асып жатыр. Сол талаптардың бірі &ndash намаз оқушылардың арасындағы арақашықтық 1,5 метр болуы тиіс. Осыған орай «бұлай оқылған намазға жамағат намазының сауабы берілмейді», «олай оқу &ndash бидғат» деп жүргендер де бар. Жамағат болып намаз оқығанда саптың түзу болуы және арада ашық жердің болмауы &ndash намаздың көркі әрі кемелдігі. Ол жайында Пайғамбарымыздан (оған Алланың салауаты мен сәлемі болсын) көптеген хадистер келген. عن أبي هريرة - رضي الله عنه - أن رسول الله - صلى الله عليه وسلم - قال: (أقيموا الصف في الصلاة؛ فإن إقامة الصف من حسن الصلاة). Әбу Һурайрадан (оған Алла разы болсын) жеткен хадисте Пайғамбарымыз (оған Алланың салауаты мен сәлемі болсын): «Намазда тұрғанда сапты түзеңдер. Өйткені сапты түзеу &ndash намаздың көркі», - десе, келесі хадисте: «Саптарыңды түзеңдер, расында саптарды түзету намазды толықтырады»[2], - деген. Намазда арада ашық жердің болмауын жұмһур (көпшілік) ғалымдар мандуб амалынан деген. «Мұхтасар әл-Уиқая» кітабында: «Алдыңғы сапта бос орын бола тұра, артқы сапқа тұру &ndash макруһ»[3], - делінген. Бұдан түсінетініміз ешбір үзірсіз намазда тығыз тұрмау макруһ болады. Дегенмен бұл жағдайдың өзінде намазы бұзылмайды. Өйткені намазда сапты түзеп, арада бос орын қалдырмау намаздың рүкіні не шарты емес. Имам әл-Касани «Бадаиғ әс-Санаиғ» кітабында: «Егер бір адам мешіттің бір бұрышында тұрып, михрабта тұрған имамға ұйыса, намазы дұрыс болады. Өйткені мешіт ұзақтығына қарамастан бәрі бір орын болып табылады»[4], - деген. Яғни имамға ұю шарттарының бірі имам мен жамағат бір орында болуы керек. Сондықтан індеттің тез таралу қаупін ескере отырып саптың тығыз болуын уақытша ескермеу макруһ болмайды әрі намаз да бұзылмайды. Алла қаласа, жақсы күндер алдымызда. Зәрулік жағдайы өткеннен кейін сапта тығыз тұру өз үкіміне қайта оралады. Сіз бен біздің еліміздегі вирустың алдын алуға бағытталған кешенді шараларды қатаң сақтауымыздың нәтижесі бұрынғы қалыпты құлшылықтарымызды тез арада қайта жасауға мүмкіндік туғызатынын түсінейік. Өзімізге қамқорлық өзгелерге қамқорлық екенін естен шығармайық. Алла Тағала жер бетінен жұқпалы індетті жойып, мешіттерімізді жамағатқа толтырып, берекелі, мерекелі сәттерде жүздесуді жазғай! Еліміз аман, жеріміз тыныш, тәуелсіздігіміз баянды болғай! Әмин!

fatua.kz




Көрілген: 746    Пікірлер: 0

дүйсенбі, 01.02.2021, 16:52

Достарыңмен бөліс:

  • СОҢҒЫ ЖАРИЯЛАНЫМДАР:
    10 Сәуір, 14:29
    ҺАШИМ ЖӘМИЛ ОҚИҒАСЫ
    2 Сәуір, 01:26
    ШАРИҒАТ ДЕГЕН НЕ?
    24 Наурыз, 13:45
    ИМАН НЕДЕН ӘЛСІРЕЙДІ?
    22 Наурыз, 01:25
    БАЙҒЫЗ
    16 Наурыз, 18:37
    ҰЛЫЛАРДЫҢ ОРАЗАСЫ
    10 Наурыз, 19:59
    Сүрме жағу сүннет пе?
    6 Наурыз, 01:59
    ШЫНАЙЫ ДОС ДЕГЕН КІМ?

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30