Ислам діні

Он бәленің тоғызы тілден

  • http://ihsan.kz/

    http://ihsan.kz/

Бисмилләһ, уәс соләәту уәс сәләәму ғаләә росулилләһ!

 

Таза мінсіз асыл тас,

 

Су түбінде жатады.

 

Таза мінсіз асыл сөз,

 

Ой түбінде жатады, - деп Асан қайғы бабамыз жырға қосқаны белгілі. Адам тіл арқылы иманға келіп, мұсылман болса, тіл арқылы діннен шығуы да оп-оңай. Тіл адамның ойын, сезімін басқаға жеткізуші құрал. Қуантатын да тіл, жылататын да тіл. Тілді еркіне жіберсе, арты орны толмас өкінішке апаратын да кездері болады.

 

«Айтылған сөз - атылған оқ» демекші айтқан сөзіңізді қайтарып ала алмайсыз. Отыз тістен шыққан сөз отыз елге әп-сәтте-ақ тарап кетеді. Сол себепті тілін құрықтай білген, оған иелік еткен адам бұл өмірдің ұятынан, ақыреттің азабынан құтылары хақ.

 

Пайғамбарымыз Мұхаммед (оған Алланың салауаты мен сәлемі болсын) үмметтерінен тіліне сақ болған адамның жәннатқа кіруіне кепілдік беріп: «Кімде-кім маған тілі мен екі аяғының арасындағы нәрсені жамандықтан сақтауға кепілдік берсе, мен оған жәннатқа кіруіне кепілдік беремін» - деген. Муғаз ибн Жабал пайғамбарымыздан (оған Алланың салауаты мен сәлемі болсын): «Қандай істер жақсы? - деп сұрады. Пайғамбарымыз (оған Алланың салауаты мен сәлемі болсын) тілін шығарып, үстіне саусағын қойып, тілге сақ болу дегендей ишара етті. Кейін: «Кімде-кім жамандықтан сақтануды қаласа, тіліне сақ болуды ләзім тұтсын»- деді.

 

Дәуіттің (оған Алланың сәлемі болсын) баласы Сүлеймен де (оған Алланың сәлемі болсын) адамдарға: «Егер сөйлеу - күміс болатын болса, сөйлемей тыныш тұру - алтын» - деп түсіндірді.

 

Пайғамбарымыз Мұхаммед (оған Алланың салауаты мен сәлемі болсын) хадис-шарифте мүміндердің сөздері қандай болуы керектігін былайша түсіндіреді: «Мүміннің тілі жүрегінің түбінде болады. Егер бір нәрсені айтқысы келсе, оны жүрегімен тексеріп көреді, кейін тілімен айтады. Екіжүзді адамның тілі жүрегінің бергі жағында болады. Егер бір сөзді айтқысы келсе, айта салады, оны тексеріп көрмейді». Тағы бір хадисінде Пайғамбарымыз (оған Алланың салауаты мен сәлемі болсын): «Кімнің сөзі көбейсе, қателесуі көп болады. Кімде-кімнің қателесуі көбейсе, күнәсі көбейеді. Кімнің күнәсі көп болса, тозаққа лайық болады» - деген.

 

Алла бізді өзіне лайықты құлдарынан етсін! Әмин!

 

 

 

Сәтбаев қаласы, «Балмағанбет Балқыбайұлы» мешітінің

ұстазы Бауыржан Амангелдіұлы

 

ihsan.kz




Көрілген: 1008    Пікірлер: 0

бейсенбі, 26.08.2021, 19:32

Достарыңмен бөліс:





  • СОҢҒЫ ЖАРИЯЛАНЫМДАР:
    15 Қазан, 14:20
    ШАЙТАН МЕН МАҚТАН
    8 Қазан, 17:35
    Жұма күнгі әдептер
    6 Қазан, 16:26
    ҚАБІР ӨМІРІ
    23 Қыркүйек, 19:49
    «Иманды болсын» демеңіз!
    22 Қыркүйек, 19:16
    ҮЙГЕ ДЕ КӨЗ ТИЕ МЕ?
    22 Қыркүйек, 14:24
    ТҮНГІ ҚҰЛШЫЛЫҚ
    13 Қыркүйек, 17:18
    Тұмар тағуға бола ма?
    10 Қыркүйек, 19:06
    ШАЙТАН НЕДЕН ҚОРҚАДЫ?
    30 Тамыз, 11:39
    НАМАЗДА КӨЗДІ ЖҰМУ

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31