"Пара алу - күнә". Полицейлер мен молданың кездесуі көпшілік талқысына түсті

24 мамыр 2022, 13:04

Бірақ жиында көтерілген мәселеге көпішілік сыни пікір білдірді, - деп хабарлайды Alashainasy.kz тілшісі "Экспресс К"-ға сілтеме жасап.

Қызылорда қаласының тәртіп сақшылары дін өкілімен кездесіпті. Талықаланған басты мәселе - жемқорлық.

 

Бастапқы тараған жазбада кездесудің тақырыбы "Пара алу да, беру де — күнә" делінген. Бірақ бұл ақпаратты департамент кейін алып тастап, басқарманың Instagram парақшасында жиын жайлы басқаша мәлімет берді.

 

instagram.com/upkz2020

 

Сыбайлас жемқорлыққа қарсы күрес бағытын нығайту мақсатында Қызылорда қаласы ПБ бөлімінің патрульдік полиция батальонының қызметкерлері "ПАРА АЛУ ДА, БЕРУ ДЕ — ҚЫЛМЫС" атты "Ақмешіт — Сырдария" мешіттің наиб имамымен кездесу өткізді, — деп жазылған ақпаратта.

 

Ал желі қолданушылары молданың уағызы полицейлерге пайдасын тигізетініне күманданғандай пікірлерін жазды.

 

"Бұларға пара алмау күнә шығар қайта", "Мұны жаңадан келген қызметкерлерге айтпаса, бұрыннан келе жатқандар қорықпайды-ау", "Мұндай жерге дін өкілдерін араластырмау керек", — деп жазды пікір білдірушілер.