Ислам діні

ПАЙҒАМБАРЫМЫЗДЫҢ (С.Ғ.С.) МҮБӘРАК ДЕНЕСІН ҰРЛАМАҚШЫ БОЛҒАН КІМДЕР?

  • http://mazhab.kz/

    http://mazhab.kz/

Деректерге сүйенсек, Ислам тарихында Алла Елшісінің (с.ғ.с.) мүбәрак мәйітін төрт рет ұрлауға тырысқаны айтылады. Олар кімдер? Мұнафықтардың жауыз әрекеті немен аяқталды? Бұл сұрақтарға жауапты қысқа да нұсқа осы мақаламыздан оқи аласыз.

 

 

Алла Елшісінің (с.ғ.с.) қабіріне қастық ойлағандардың ең алғашқысы &ndashшиит ағымынан шыққан исмайлдер билеушісі Убайди. Ол мүбәрак мәйітті Мысыр жеріне алып кетпек болған. Алайда, Алла Тағала өз Елшісін жауыздардың қастандығынан қорғап қалады. Убайдидің бұйрығымен келе жатқан бір топ жандайшап жолда күшті дауылға кезігіп, Мединаға жетпей жатып арттарына қайтуға еріксіз мәжбүр болған.1

 

 

Алайда, Алла Тағаланың әмірімен орын алған бұл тылсым оқиға жүрегін арамдық билеген Убайдидің райынан қайтара алмайды. Арада уақыт өтісімен арам ниетін жүзеге асыруға ұмтылады. Бұл жолы оның адамдары жер астынан жол қазып, Алла Елшісінің (с.ғ.с.) қабіріне дейін жетпек болады. Бірақ, жергілікті тұрғындар түнде жанған шырақтарды көріп қалып, оларды ұстап алады да өлім жазасына кеседі.[1]

 

 

Пайғамбар (с.ғ.с.) қабіріне жасалған үшінші қастандық оқиғасы тарихи деректерде былай суреттеледі. Мағрибтік екі мүшрік дәруіштер киімінде Мединаға келеді. Сосын Нәбәуи мешітінің (Масжидун Нәбәуи) жанындағы үйлердің біріне жайғасады. Олардың мақсаты &ndash Пайғамбарымыздың (с.ғ.с.) мүбәрак денесін ұрлап, Мағрибқа алып кету еді. Хижраның 557-жылында (1161-жыл) Шам әміршісі Нүриддин Шахидтің түсіне үш рет Алла Елшісі (с.ғ.с.) кіріп: «Ей, Нүриддин, мені олардан қорға!» &ndash деп аян береді. Түстің тегін еместігін ұққан ол уәзірі мен кеңесшілерін, әскерлерін ертіп Мединаға қарай жол алады. Келе салысымен қалың бұқараны жинап алып, оларға сыйлық үлестіретіні жөнінде хабар таратады. Тегін сыйлыққа құмартқан қала халқы жиналған шақта олардың арасында Пайғамбарымыз (с.ғ.с.) белгі берген әлгі екі адамның жоқ екенін байқайды.

 

 

Олардың қайда екендігін анықтау мақсатымен: «Бұл жерге келіп сыйлық алмағандар да бар секілді. Олар да келіп, өзіне бұйырған сыйлығын алсын!» &ndash дейді. Ал, адамдар: «Нәбәуи мешітінің жанында тұратын екі дәруіш бар. Бірақ, ол дуаналар сыйлық алмайды», &ndash дейді. Бір шикілік барын сезген әмірші оларды дереу алдына алып келуін бұйырады. Екі дәруіш сүйретіліп келген кезде тура сол түсінде айтылған адамдар екенін түсінді. Сосын олар тұрып жатқан үйді тексеріп, бағалы заттарға толы екеніне көз жеткізеді. Бұл &ndash оларға төленген ақылары болатын. Ал, жерде төсеулі жатқан кілемнің астын көтеріп кеп жібергенде, Пайғамбарымыздың (с.ғ.с.) қабіріне алып баратын жол қазылып жатқанын көреді. Нүриддин Шахид артынша екеуін жауапқа тартып, олар Мағрибтан Алла Елшісінің (с.ғ.с.) мәйітін ұрлау жоспарымен келгендерін мойындатады. Олар жер астын қазу барысында, топырағын ылғи Бақи мазарына алып шығып төгіп отырыпты.+

 

 

«Кеше түнде қабірге жақындап қалғанымызда қатты күркіреген найзағай дауысынан қорқып, есімізден адаса жаздадық. Ал, күннің ертесінде сіздің келгеніңізді естідік», &ndash дейді олар.

 

 

Нүриддин Шахид екеуін өлім жазасына кесуге бұйырады. Одан соң, Пайғамбарымыздың (с.ғ.с.) қабірін қорғау мақсатында айналасын терең қаздырып, оны қорғасынмен толтыруды әмір етеді.

 

 

Ал, төртінші рет Пайғамбарымыздың (с.ғ.с.) мәйітін шамдық насранилер ұрламақшы болған. Бірақ, олардың да айласы іске аспады. Жергілікті мұсылмандар олардың жоспарын біліп қояды. Қылмыскерлер қолға түсіп, өлім жазасына кесіледі.[2]

 

 

Міне, осылайша Алла Елшісінің (с.ғ.с.) мүбәрак мәйітін ұрлауға тырысқан опасыздардың барлық әрекеті желге ұшып, тиісті жазаларын алады. Себебі, Ұлы Жаратушының өзі ондай бассыздыққа жол бермейді. "Мәида" сүресінің 67-аятында: «Әй, Пайғамбар... Алла сені адамдардан қорғайды», &ndash деген бұйрығы бар. Үмбетіне тек рақым тілеуші Пайғамбарымыз Мұхаммедке (с.ғ.с.) Алланың игілігі мен сәлемі болсын!

 

mazhab.kz




Көрілген: 1833    Пікірлер: 0

жексенбі, 04.10.2020, 17:29

Достарыңмен бөліс:

  • СОҢҒЫ ЖАРИЯЛАНЫМДАР:
    28 Қараша, 15:37
    Қырық жастың дұғасы
    26 Қараша, 19:00
    Мұсылманша түс жору
    24 Қараша, 12:46
    Нарды ойнау харам ба?
    15 Қараша, 21:02
    БАРЫҢДЫ БІЛДІР...
    6 Қараша, 17:05
    БАЙ БОЛҒЫҢЫЗ КЕЛСЕ....

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31