САУАБЫ ЕҢ МОЛ САДАҚА ҚАНДАЙ?

06 желтоқсан 2021, 19:50

Пайғамбарымыз (с.а.у.) былай деді: «Салих кісіге, салих (адал жолмен келген) дүние жарасады». (Мүснәд Ахмед ибн Ханбал)

Әбу Хурайра (р.а.) былай дейді:

“Бір жолы Пайғамбарымызға (с.a.у.) біреу келіп:

 “Уа, Расулалла! Қандай садақа сауап тұрғысынан ең үлкені?” деп сұрады.

Пайғамбарымыз (с.a.у.), “Садақаның ең ізгісі денсаулығың мықты, дүние-мүлікті жақсы көретін және жоқшылықтан қорқатын кезіңде берген садақа. Сен садақа беруді жан алқымға келіп, ‘анау пәленшеге, мынау түгеншеге берілсін’ дейтін сәтке дейін күттірме. Ол кезде ол беретіне дүние-мүлкің онсыз да пәленше мен түгеншенің (мұрагердің) иелігіне өтеді’ деп жауап берді.

mazhab.kz