Ислам діні

САУАПТЫ ЖОЯТЫН АМАЛ

  • САУАПТЫ ЖОЯТЫН АМАЛ

    САУАПТЫ ЖОЯТЫН АМАЛ

Арабшада мақтануды «Рия» деп атайды. Адам өзінің аузымен бірнеше рет бірнеше адамға істеген ісі мен жақсылығын тамсана немесе міндетсіне айтса, осы күнәні істегендер санатына өтеді. Егер іштей ойланса, оны араб тілінде «ғужуб» дейді. Бұл да істеген амалды кемітіп, мүлдем заяға шығаруы мүмкін.

Адамзат баласына дұшпан болған лағнет шайтанның жұмыс тармағының бір бөлігі &ndash мұсылмандардың сауапты амалдарын жария еткіздіру, оны нәтижесінде кеміту. Жалпы, сауапты істің қайсысы болса да тек қана Жаратқан Алланың ризалығы үшін болмағы керек. Егер адамдар ісін жария ететін болса, сауаптан мақрұм қалатындығы Құран кәрімнің «Бақара» сүресінде баяндалған. Мақтануға лайық тек Алланың өзі ғана! Сансыз ғаламды жоқтан бар етіп, оны үйлесіммен тәрбиелеп, билеп тұрған Алла тағала &ndash сөзсіз құдірет иесі!

Күнделікті өмірімізге дүние мәселесі соншалықты қатты енгендіктен болар, адамдар ішінара және өзара барлы-жоқ, бай-кедей топтарына бөліне бастағандай. Адамның байлыққа кенелуіне дінімізде шектеу қойылмаған, бірақ ол байлықтың ағайынға мейірімі, Аллаға зекеті және қайырымы болуы шарт. Хазреті Әли (р.а.): «Көптеген адамдар байлықты өзінен кейінгі балаларын таластыру үшін жияды» деген.

Ардақты пайғамбарымыздың (с.ғ.с.): «Алла тағала сендердің байлықтарыңыз бен сұлулықтарыңызға қарамайды, Алла тағала жүректеріңізбен істеген амалдарыңызға қарайды» деген хадисі кө-ңілге оралады. Мұса (ғ.с.) пайғамбардың тұсында адамдар жиылып, көпшілік болып ас беруші еді. Адамдар Мұсаға (ғ.с.) келіп: «Мынау біздің берген құдайымыз қабыл ма?» &ndash деп сұрады. Сонда Мұса (ғ.с.) оны Тұр тауында Жаратқаннан сұрап еді, Алла тағала: «Мен олардың құдайыларына келемін!» &ndash деді. Мұны естіген халық сол күні шексіз дайындықта болды. Сәл уақытта киімі жыртық, өзі шаршаған бір бейшара құдайыға кіріп келіп нан сұрағанда, адамдар оны қуып шықты. Құдайды әбден күткен халық шаршап, Мұсаға (ғ.с.) келді. Сонда Мұса (ғ.с.) арқылы Алла тағала: «Ол адамдардың мақтан етіп, атақ-абыройы үшін берген құдайылары менің құзырымда қабыл болмайды. Оның сауабы жоқ», &ndash деді.

Міне, бір хадис-құдсиде былай делінген: «Алла тағала Жерді жаратқанда жер дірілдеп тұрды. Тыныштандыру үшін қазық қылып тауды қадады. Сонда періштелер: «Таудан да күшті нәрсе бар ма?» &ndash дегенге, «Темір болады, темір тауды жарады!» &ndash деді. «Темірден де күшті бар ма?» &ndash дегенге, «От!» &ndash деді. «Оттан күшті бар ма?» &ndash дегенге, «Су!» &ndash деді. «Судан күшті нәрсе бар ма?» &ndash дегенге, «Жел! Ол суды көтереді», &ndash деді. «Желден күшті нәрсе бар ма?» &ndash дегенге, «Желден күшті нәрсе &ndash бір мұсылманның мақтанбай, риясыз Алладан ғана сауап үміт етіп, оң қолымен берген садақасын сол қолы сезбесе, ол барша нәрседен де құдіреті күшті болады!», &ndash деді». Демек, кез келген құлшылыққа ниет еткенде «Холисан лиллаһи тағала!», яғни «Алланың ризалығы үшін!» деп айтылады. Ал, Алланың разылығы мақтаншақ адамдарға түспейді, олар ондай рақымнан мақрұм қалады. Себебі, «Фатиха» сүресінің бір аятында Алланың өзіне ғана құлшылық етіп және Одан ғана жәрдем сұрау туралы айтылғандай, Алла тағала баршамызға тура жолда өмір сүріп, Алланың Өзіне ғана жаққан игі пенделерден болуымызға жәрдем етсін!

 

furqan.kz




Көрілген: 1482    Пікірлер: 0

бейсенбі, 24.09.2020, 22:09

Достарыңмен бөліс:

  • СОҢҒЫ ЖАРИЯЛАНЫМДАР:
    29 Қыркүйек, 14:58
    БІР АЯТТЫҢ ҚҰПИЯСЫ
    25 Қыркүйек, 00:39
    АҚЫРЗАМАН БЕЛГІЛЕРІ
    24 Қыркүйек, 22:09
    САУАПТЫ ЖОЯТЫН АМАЛ
    14 Қыркүйек, 15:30
    БІР АЯТТЫҢ ҚҰПИЯСЫ
    8 Қыркүйек, 21:33
    ДҮНИЕНI ТҮЗЕТКЕН БАЛА...
    7 Қыркүйек, 13:58
    Қажылыққа тең 5 амал
    4 Қыркүйек, 19:46
    БАЛАМ, САҒАН АЙТАРЫМ БАР

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31