Ислам діні

ҮШ ЖЕРГЕ ДӘРЕТ СЫНДЫРҒАНДАР ЛАҒЫНЕТКЕ ҰШЫРАЙДЫ

  • ҮШ ЖЕРГЕ ДӘРЕТ СЫНДЫРҒАНДАР ЛАҒЫНЕТКЕ ҰШЫРАЙДЫ

    ҮШ ЖЕРГЕ ДӘРЕТ СЫНДЫРҒАНДАР ЛАҒЫНЕТКЕ ҰШЫРАЙДЫ

Шариғат бойынша әжетхана әдебін сақтап жүрміз бе? Дүниежүзі бойынша әлем елдері 19 қараша күні Әжетхана күнін атап өтеді. Оның ішінде маңыздысы – әжетхана әдебін сақтау. Ал ол әдепті сақтауда шариғатта өзіндік ережесі бар. Бұл ереже бойынша әжетханаға кірген-шыққанда нені ескермей жүрміз? Оны төменнен оқып біле аласыз.

 * Кісі елдің көзінен таса жерде әжетін өтеуі керек. Бұл үшін қазір әжетханалар бар.

* Тамақтан кейін әжетханаға кірмей тұрып қол шайған абзал. Бұл арқылы сырттан қолымызға жұққан түрлі микробтардың басқа жерлерге таралуының алдын аламыз.

* Әжетханаға кіргенде баскиім және аяққа арнайы сүйретпе киген дұрыс. Бұл әсіресе, әжетханасы үйдің ішінде орналасқандарға қатысты. Сол сияқты, жеңді сыбанып, шалбардың балағын қайырған жөн.

* Әжетханаға Алланың және Пайғамбарымыздың (с.а.у.) есімдерін немесе Құран аяттарын ала кірмеу керек.

* Әжетханаға сол аяқпен кірген жөн. Әбу Һурайрадан жеткен риуаятта: «Кімде-кім әжетханаға сол аяғымен емес оң аяғымен кірсе, кедейлікте сыналады», - делінген.

 * Кірген кезде: «Әғузу билләһи минәль Хубси уәль Хабаис» (еркек және ұрғашы жындардан Саған сыйынамын) деген дұғаны оқу – мұстахаб.

* Қажеттілік туындамаса, әжетханада сөйлемеу керек.

* Әжетханада отырғанда мүмкіндігінше, құбылаға алдымен немесе артымен қарамай, оң яки сол жақ бүйірімен отыру керек.

* Әжетханада жүрелеп отырғанда оң тізесін көтеріңкіреп, сол аяғын басыңқырап отырған жөн.

 * Әжетін өтеп болған соң истинжа жасау – сүннет. Истинжа дәрет қағазымен, кесек таспен немесе су қолдану арқылы жасалады. Бұның ішіндегі ең абзалы – су қолдану. Егер үлкен немесе кіші дәрет шыққан жеріне жайылатын болса, онда сумен тазалану – уәжіп.

* Истинжаны сол қолмен жасау керек. Оң қолмен истинжа жасаудың үкімі – жеңіл мәкрүһ.

* Кіші дәретті мүмкіндігінше отырып жасаған жөн. Тирмизиден келген бір хадисте Айша анамыз былай дейді: «Біреу сендерге Пайғамбар (с.а.у.) тұрып дәрет сындырды десе, ол сөзге сенбеңіздер. Ол тек қана отырып дәрет сындыратын».

 * Дәрет сындыратын кезде денеге, киімге зәр шашырамауына қатты көңіл аударған жөн. Әбу Дәуідте келген бір хадисте сахаба Әбу Мұса: «Дәрет сындырғысы келген кісі зәрі тез сіңіп кететін жерді таңдасын».

 * Жуынатын жерлерге дәрет сындырмау керек. Бұл – мәкрүһ. Пайғамбарымыз (с.а.у.) былай дейді: «Ешкім шомылатын (және дәрет алатын) жеріне кіші дәретін сындырмасын. Ол жерге кейін жуынады ғой. Шындығында, күмәннің көбі содан туындайды (нәжіс тиіп кеткен жоқ па деген күмән туындайды)».

 * Нәжіске қарамау.

* Ер кісілер кіші дәреттен кейін қалған зәрден толық арылу керек. Бұны шариғатта «истибра» дейді. Бұның үкімі – уәжіп. Пайғамбарымыз бір сөзінде былай дейді: «Зәрлеріңді толық шығарыңдар. Шынында, қабірдегі азаптың көбі соның салдарынан болмақ!»

* Көпшілік орындарға, жолға, көлеңкеге дәрет сындыруға тыйым салынады. Сахаба Муғаздың айтуы бойынша, Пайғамбарымыз (с.а.у.) былай деген: «Лағынетке ұшырағандардан ұзақ тұрыңдар. Олар мына үш жерге дәрет сындыратындар: Тұрған суға (немесе адамдар жиналатын су жағалауларына), жол ортасына және көлеңке жерлерге».

* Әжетханадан оң аяғымен шығып, «Ғуфранәкә» (кешіріміңді тілеймін) деу – мүстахаб.

* Әжетханадан шыққан соң мүмкіндігінше қолды иіссабынмен жуу керек.

 islam.kz




Көрілген: 4989    Пікірлер: 0

сенбі, 27.11.2021, 11:45

Достарыңмен бөліс:





  • СОҢҒЫ ЖАРИЯЛАНЫМДАР:
    14 Қаңтар, 02:14
    БҮЛІК ҚАЛАЙ ШЫҒАДЫ?
    30 Желтоқсан 2021
    Жаңа жыл діни мереке ме?
    29 Желтоқсан 2021
    Таңғы және кешкі дұғалар
    22 Желтоқсан 2021
    РУХТЫҢ ҰЛТЫ БОЛА МА?
    21 Желтоқсан 2021
    Имансыз әйел..
    20 Желтоқсан 2021
    Тоғыз алма
    10 Желтоқсан 2021
    Жұма күні не істеу керек?
    6 Желтоқсан 2021
    Жұмақтың не керегі бар?
    11 Қараша 2021
    Ақырғы сәт!
    8 Қараша 2021
    Күнә және сауап
    4 Қараша 2021
    ӘУЛИЕ БОЛУ ОҢАЙ МА?

    Көп ашылған Көп пікір жазылған
    2022
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    2022
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31