Нарық

42 500 теңгеге өтініштер қайта қаралатын болды

  • 42 500 теңгеге өтініштер қайта қаралатын болды

    42 500 теңгеге өтініштер қайта қаралатын болды

Қазақстандағы төтенше жағдай кезінде 42 500 теңгелік жәрдемақыны ала алмаған азаматтар төлемге қайта үміттене алады. Бұл туралы Еңбек және халықты әлеуметтік қорғау министрінің орынбасары Ақмади Сарбасов мәлім етті, деп хабарлайды Stan.kz ақпарат агенттігі.
"Төтенше жағдайдың тоқтатылуына байланысты 2020 жылдың 11 мамырынан бастап жаңа өтініштерді қабылдау аяқталды. Сонымен бірге, "42 500 теңге" төлемі тағайындалмаған жекелеген азаматтардың өтініштеріне байланысты еңбек және халықты әлеуметтік қорғау министрлігі мұндай төлемдерді тағайындаудың іс-қимыл сызбасын әзірледі. Бұдан бұрын бас тарту туралы шешім қабылданған "42 500 теңге" әлеуметтік төлемін тағайындау өтініштерін қайта қарау үшін, аудандық (қалалық) штабқа растайтын құжаттармен бірге тиісті өтініш беру керек», - деді вице-министр.

Вице министр карантин енгізілген өңірлерде ірі кәсіпкерлік, коммерциялық емес заңды тұлғалар жұмысшыларының атынан өтініш бере алатынын атап өтті

"Бұл ретте өтініш тек әлеуметтік төлем тағайындаудан бас тарту (оны тоқтату) туралы шешім қабылданған қызметкерлер үшін беріледі. Әлеуметтік төлем тағайындаудан бас тарту туралы шешім қабылданған жеке кәсіпкерлер, жеке тәжірибемен айналысатын адамдар, БЖТ төлеушілер, азаматтық-құқықтық сипаттағы шарттар бойынша жұмыс істейтін адамдар өз аттарынан береді", - деп қосты ол.

Бұған қоса ол өтініштер осы жылдың 1 желтоқсанына дейін қаралатынын жеткізді.

"Ұсынылған құжаттарды қарағаннан кейін аудандық (қалалық) штаб "42 500 теңге" әлеуметтік төлемін тағайындауға құқығының бары немесе жоғы туралы қорытынды шығарады. Оң қорытынды "Азаматтарға арналған үкімет" мемлекеттік корпорациясы бөлімшесіне беріледі. Ол "Өтініш берушінің электрондық іс макетін" қалыптастырады және деректерді МӘСҚ филиалына береді. МӘСҚ филиалы әлеуметтік төлем тағайындау немесе тағайындаудан бас тарту туралы шешім қабылдайды. Аудандық (қалалық) штабтың қорытындысымен немесе МӘСҚ филиалының шешімімен келіспеген жағдайда, өтініш беруші растайтын құжаттарымен аудандық (қалалық) штабтың жұмыс органы арқылы облыстық (қалалық) штабқа жүгінеді. Содан кейін қайта қарау процедурасы қайталанады. Карантин талаптарын ескере отырып, адамдардың жаппай жиналуына жол бермеу мақсатында өтініштер 2020 жылғы 1 желтоқсанға дейін қаралатын болады», - деді Ақмади Сарбасов.

Еске салайық, 42500 теңге төлеміне өтініштерді қайта қарау ережелері бекітілгені айтылған еді.  




Көрілген: 630    Пікірлер: 0

сейсенбі, 26.05.2020, 16:01

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31