Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

75 мың қазақстандық зейнетақы жинақтарын ала алады

17 наурыз 2023, 08:38

Сенат депутаттары жаңа Әлеуметтік кодекстің жобасын екінші оқылымда қабылдады. Бұл құжатқа енгізілген маңызды өзгерістер мен толықтырулар туралы сенатор Ләззат Қалтаева айтты, - деп хабарлайды Alashainasy.kz тілшісі Tengrinews.kz-ке сілтеме жасап.

Атап айтқанда, еңбек өтілі бар зейнетақы алушыларға тұрмыс жағдайын жақсарту немесе өз емделуіне немесе жұбайының немесе жақын туыстарының емделуіне ақы төлеу үшін зейнетақы жинақтарын алу құқығы беріледі.

 

"Бұл шара 75 мыңнан астам зейнеткерді қамтиды, олардың зейнетақы жинақтары шамамен 120,5 миллиард теңгені құрайды", - деді Ләззат Қалтаева.

 

Сондай-ақ, Бірыңғай жинақтаушы зейнетақы қорының комиссиялық сыйақысы зейнетақы активтерінен айына 0,01 пайыздан 0,008 пайызға дейін, бірақ бір жеке зейнетақы шотынан айлық есептік көрсеткіштің 0,04 еселенген мөлшерінен аспайтын мөлшерде азайтылады.

 

"Бұл ереже БЖЗҚ-да зейнетақы жинақтары бар барлық 11,9 миллион салымшыға қатысты болады және олардың зейнетақы жинақтарына әсер етеді", - деп қосты сенатор.