Алматыда жылу бағасы қымбаттауы мүмкін

25 қазан 2021, 19:35

Алматы қаласында жылу бағасы қымбаттауы мүмкін, деп хабарлайды Stan.kz ақпарат агенттігі.

"Алматы жылу жүйелері" ЖШС табиғи монополияларды реттеу комитетінің департаментіне жылу энергиясын өндіруші кәсіпорындардан тұтынушыларға беру тарифін өзгерту мәселесін қарау туралы өтініш берді. Бұл тақырып бойынша қоғамдық тыңдау 25 қазан күні өткен.

 
Өтініш беруге 2017 жылдан бастап енгізілген тарифтік лимиттер мерзімінің бітуі себеп болған.


Қазақстанның 13 өңірінде жылу қымбаттады

Алматылықтар бір жыл бұрын салынған тұрғын үй кешені бұзылып жатыр деп шағымдануда

Ақтөбеде коронавирусқа шалдыққандарды емдейтін аурухана жылусыз қалды

Тағы бірі, өндірушілерден сатып алынатын жылу тарифінің көтерілуіне сәйкес "Нормативтік техникалық жоғалтулар" бабы бойынша шығындардың өсуі сеп болған.

"Өтінім нақты шығындар бойынша берілді. Салықтар, көлік шығындары, жалақы, сақтандыру, мемлекеттік қызметтер, еңбекті қорғау, іссапар шығындары, байланыс қызметтері, кеңес беру және аудит қызметтері бойынша", - деді өтінім беруші компания.

Компания ҚР Ұлттық экономика министрлігі Табиғи монополияларды реттеу комитеті шешім қабылдағанға дейін жылу тарифы көтерілмейтінін атап өтті. Шешім шығарушы комитеттің қорытындысы 30 күнтізбелік күннен кейін белгілі болады.