Нарық

Алматылықтар салықтық рақымшылықты пайдалана алады

  • https://baq.kz/

    https://baq.kz/

Алматы қаласының Мемлекеттік кірістер департаментінде мүлік салығы, жер салығы, көлік құралдары салығы бойынша берешегі бар азаматтарды жыл соңына дейін жүргізілетін жинақталған өсімпұлды есептен шығару бойынша салықтық рақымшылық мүмкіндігін пайдалануға шақырды.

 

Бұл туралы Өңірлік коммуникациялар қызметі алаңында өткен онлайн-брифинг барысында Алматы қаласы Мемлекеттік кірістер департаменті басшысының орынбасары Орынкүл Қазиева мен Алматы қаласы Әділет департаменті басшысының орынбасары Жаңабай Ағманов мәлім етті.

 

МКД деректері бойынша, Алматы бойынша өсімпұлды есептен шығару бойынша акцияның басында борышкерлердің саны 192 мың жеке тұлғаны құрады, онда 6,5 млрд теңгеден астам берешек болды, оның ішінде негізгі борыш сомасы - 5,4 млрд теңге және өсімпұл сомасы - 1,1 млрд теңге.

 

Бүгінгі таңда Алматы қаласы бойынша рақымшылықты 84 511 салық төлеуші пайдаланды, онда 209,2 млн теңге сомаға өсімпұл есептен шығарылды және негізгі борыштың өтелген сомасы 1,9 млрд теңгені құрайды. Бұл ретте өсімпұлды есептен шығару автоматты түрде жүргізіледі, қарыздың негізгі сомасын ғана төлеу жеткілікті, - деп хабарлады О.Қазиева.

 

Жеке тұлғаларға 2020 жылғы 1 сәуірдегі жағдай бойынша салық төлеушілердің дербес шоттарында есептелетін мүлік салығы, жер салығы және көлік құралдары салығы бойынша бересі 2020 жылғы 31 желтоқсанға дейін төленген жағдайда өсімпұлдарды есептен шығарады. Бұл ретте өсімпұл бересі төленген салық түрі бойынша ғана есептен шығарылады.

 

Бұл норма мұндай адамдардың салық міндеттемелері кәсіпкерлік қызметті, жекеше нотариустың, жеке сот орындаушысының, адвокаттың немесе кәсіби медиатордың қызметін жүзеге асырумен байланысты емес жағдайларды қоспағанда, дара кәсіпкер ретінде тіркеу есебінде тұрған адамдарға және жеке практикамен айналысатын адамдарға қолданылмайды.

 

Өз кезегінде Жаңабай Ағманов салық органдарына орындалмаған салық бұйрықтары бойынша және жеке тұлғалардан берешекті өндіріп алу бойынша деректер келіп түсетінін атап өтті. Өз тарапынан сот орындаушылары мәжбүрлеп атқарушылық іс жүргізуді қозғайды &ndash бұл шоттарға тыйым салу, жылжымалы және жылжымайтын мүлікке тыйым салу, сондай-ақ мүлікті алып қою.

 

Атқарушылық іс жүргізу қозғалғаннан кейін біз соттылық жөніндегі хабарламада бұл салықтық рақымшылық көрсетілмеуі үшін айыппұлдарды ерікті түрде төлеуді ұсынамыз. Әрине, бізге келіп түсетін салық бұйрықтары өсімпұлдармен бірге келеді. Сондықтан хабарламаларда салықтық рақымшылық жүргізу мерзімдерін түсіндіреміз, - деді Ж.Ағманов.

 

Хабарламалар бойынша сұрақтар туындаған жағдайда тұрғындар Алматы қаласы Әділет департаментінің call-орталығына 8 (727) 291 85 26, 8 707 615 13 95 нөмірлері бойынша хабарласа алады.

 

 

BAQ.KZ




Көрілген: 2661    Пікірлер: 0

сәрсенбі, 16.12.2020, 03:20

Достарыңмен бөліс:

  • СОҢҒЫ ЖАРИЯЛАНЫМДАР:
    9 Ақпан, 16:30
    Доллар арзандады

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31