Нарық

Аудандар мен ауылдардағы көпбалалы отбасыларға баспана қалай беріледі

  • © ҚазАқпарат

    © ҚазАқпарат

ҚР Парламент Мәжілісінің жалпы отырысында аудан орталықтары мен ауылдарда көпбалалы отбасыларға баспана салу мәселесі көтерілді, деп хабарлайды ҚазАқпарат тілшісі.


«Бүгінде баспана негізінен облыс орталықтарында және ірі қалаларда салынуда. Ал аудан орталықтарында, оның ішінде аудандық маңыздағы қалаларда жаңа үйлердің құрылысы жоқтың қасы. Өкілетті органдардың мәліметінше, баспанаға мұқтаж 31725 көпбалалы отбасының арасында 9461-і немесе 30 пайызы аудан орталықтарында немесе ауылды жерлерде тұрады. Осы орайда бұл мәселе қалай шешіледі?», - деп сұрады депутат Құралай Қаракен.


Өз кезегінде ҚР Индустрия және инфрақұрылымдық даму вице-министрі Қайырбек Өскенбаев 2019 жылдың бюджетінде қарастырылған 50 млрд теңгенің 27,5 млрд теңгесі жаңа тұрғын үйді салуға қарастырылғанын жеткізді.


«22,5 млрд теңге баспана алуға бағытталады, оның ішінде көпбалалы аналар тұрып жатқан аудан орталықтары мен ауылдар қамтылған. Біз әкімдіктерге құрылысқа және баспананы сатып алуға қаржыны бөлеміз. Олар конкурс жариялап, кезекте тұрғандар үшін қажетті пәтерлерді алады», - деп түсіндірді Қ. Өскенбаев.


Осы тұрғыда Парламент Мәжілісінің төрағасы Нұрлан Нығматулин ауылды жерлерде сатып алуға болатын үйлердің жоқ екенін атап өтті.


«Қайырбек Айтбайұлы, ауылдарға барып жүрсіз ғой. Қазір ауылда қайбір дайын үй бар? Ауылда тұрғын үй салуға дайын құрылыс компаниялары бар ма? Ол жерлерде дайын баспана жоқ. Аталып өткендей, баспанаға мұқтаж көпбалалы отбасылардың 30 пайызы ауылдық аумақтарда тұрып жатыр», - деді Мәжіліс төрағасы.


Бұл ретте Қайырбек Өскенбаев аудан орталықтарында аз қабатты үйлер салынатынын атап өтті.


«Аудан орталықтарында көпқабатты зәулім үйлерді салмаймыз. Біз 4-5 айда салынатын аз қабатты тұрғын үйлерді тұрғызамыз. Сондықтан да биыл жергілікті атқарушы органдарда осындай үйлерді салуға уақыт жеткілікті болады. Типтік жобаларды дайындадық, олардың барлығы сараптамадан өтті», - деді вице-министр.


 


 




Көрілген: 1084    Пікірлер: 0

сәрсенбі, 24.04.2019, 17:25

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31