Нарық

Автонесиенің артықшылықтары мен кемшіліктері...

  • Сурет ғаламтордан

    Сурет ғаламтордан

Автокөлікті несиеге алу үшін, әлбетте, автокредит тиімдірек. Өйткені мұнда пайызы төмен, шарттары да оңай. Десек те, таяқтың екі ұшы болатындай, мұның артықшылығымен қатар, кемшілігі де болады. Бүгін сіздерге автокредиттің қыр-сырын жан-жақты ашып береміз.

 

Артықшылықтары...

 

Бүгінде автокредитті көптеген банктен рәсімдеуге болады. Автодилер бастапқы жарнаны да аса көп сұрамайды. Несиелендіру бағдарламасын таңдап, тез арада өз атыңызға жазып ала аласыз.

 

 Орта есеппен қазіргі таңда машинаның құнының 10 пайызындай мөлшерде бастапқы жарна құюға болады. Кейде одан сәл көп болуы да мүмкін.

 

Сонымен бірге қанша пайызын салуды ерікті түрде өзіңіз де таңдасаңыз болады.

 

Сонымен бірге қолайлы бағдарламаны да таңдауға еріктісіз. 1-5 жыл аралықта алуға болады. Әрине, үстіне қосып төлейтін сома аз болуы үшін аз мерзімге алу керек. Неғұрлым жылын созған сайын, қосып төлейтініңіз көбейеді.

 

Кей банктерде экспресс рәсімдеу тәсілі бар. Мұндайда табысыңыз туралы анықтама көрсету сұралмайды. Бар болғаны жеке басыңызды куәландыратын және жүргізуші куәлігіңізді көрсетсеңіз болғаны.

 

Ескеретін жайт &mdash бұл жағдайда пайызы жоғары болады.

 

Trade-in тәсілі арқылы көлік ауыстыратын болсаңыз, мінген машинаңызды жаңасына алмастыруға болады. Яғни соманың бір бөлігі ескі көлігіңіздің есебінен төленеді. Жалпы алғанда автокредитті рәсімдеу көп уақыт алмайды.

 

Бұдан бөлек, мемлекет тарапынан берілетін жеңілдетілген автонесие бағдарламалары бар. Құлағыңыз түрік жүрсе, өтінім қабылдай бастағанда құжат тапсырсаңыз, үлгере аласыз. Мұның артықшылығы &mdash шарттары бойынша өте тиімді, пайызы төмен.  Автокредит арқылы тек жаңа көлік алу керек деген жаңсақ пікір бар. Ал негізі қолдан алуға да болады. 

 

Кемшіліктері...

 

Автокредитті көп банктен алуға болғанымен, кез келген адам ала алмайды. Мысалы зейнеткерлерге, студенттерге кепілзатсыз бермейді.

 

Сонымен бірге кей банктер сіз туралы жағымсыз пікір берсе, кредит тарихыңых нашар болса да рәсімдеуге келгенде мәселе туындауы мүмкін.

 

Сондай-ақ, бірнеше кредиті барлар, жұмысқа жаңа орналасқандар, табысы аз адамдар да онша емес жауап алуы ғажап емес. Өйткені банк сіз туралы мағлұматтың бәрін тәптіштеп тексереді. 

 

Қарызға алған соң, оны толық төлемейінше машинаның техпаспорты банктің иелігінде болады.

 

Қандай да бір форс-мажор жағдай болып, клиент әрмен қарай кредитті төлей алмайтын болса, машинаны банк арқылы ғана сата алады.

 

Жалпы алғанда автокөлік кепілзат саналады. Яғни осыған дейін де айтқандай, қарыздан толықтай құтылғанша, банктің меншігінде тұрады.

 

Сондықтан клиент төлей алмай қалса, ұйым машинаны тартып алуға құқылы. Сөйтіп техпаспорттан айырыласыз әрі осыған дейін төлеген ақшаңызды да қайтармайды.

 

Осындай үлкен бір кемшілігі бар.

 

Сол себепті машинаны кредитке алғанда ай сайынғы сомасын есептетіп, нақты төлей алатыныңызға көз жеткізу шарт.

 

Әрине, кредиттің басқа түрлері секілді ай сайынғы төлемді кешіктірсеңіз, үстемақы қосылады.  ...

 

 

 

Kursiv.kz




Көрілген: 3410    Пікірлер: 0

бейсенбі, 31.12.2020, 14:22

Достарыңмен бөліс:

  • СОҢҒЫ ЖАРИЯЛАНЫМДАР:
    9 Ақпан, 16:30
    Доллар арзандады

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    ақпан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28