Нарық

«Банкоматтарын жабу керек»: депутаттар Сбербанктің қазақ тілін таңдаудағы ақауына қатысты пікір білдірді

  • Фотоколлаж: Нұрсұлтан Жорабай.  azattyq-ruhy.kz

    Фотоколлаж: Нұрсұлтан Жорабай. azattyq-ruhy.kz

Түркістандағы «Сбербанк» банкоматында клиенттерге «қазақ тілін таңдамау» туралы ескертуі қоғам белсенділерінің ашуын тудырды. Бұл мәселеге қатысты Мәжіліс депутаттары мен қоғам белсенділері ресейлік банктің қазақстандық заңды бұзғандығына сенімді, деп хабарлайды Azattyq Rýhy.

 

Қоғам қайраткері Мұрат Әбенов жариялаған фотода клиенттерге қазақ тілін таңдамау керектігі, әйтпеген жағдайда банкомат істен шығатыны жазылған.

 

Мәжіліс депутаты Наталья Дементьева бұл мәселе банктің техникалық ақауларымен ғана байланысты деген пікірде. Сбербанктің біраз жылғы клиенті ретінде Дементьеваны бұл мәселе еш алаңдатпайтын сыңайлы. Ол фотосуреттің жариялануын «арандатушылық әрекет» деп атады. Сонымен қатар, депутат азаматтардың өздеріне ыңғайлы қызмет көрсету тілін таңдауға құқығы бар екеніне келісті.

 

 

«Банкоматтар жүйесінде қандай да бір ақаулар бар. Бұл банктің қателігі. Банкоматтарды іске қоспас бұрын, олар бұған жол бермеуі керек еді. Бірақ мен бұл жағдайда тілдік мәселенің астарын мүлдем көріп тұрған жоқпын», - деп түсіндірді Наталья Дементьева.

 

Ал төменгі палата депутаты Аманжан Жамалов әріптесінің пікірімен келіспейді. Мәжілісмен қаржы институтының қатесін қазақстандық заңдарды «тікелей бұзу» деп атады.

 

«Бұл әдеттегідей біздің заңдарымыздың бұзылуы. Ертең біздің елімізге дәл осылай мысалы, кейбір ағылшын немесе америкалық банк кіріп, осыған ұқсас белгілерін іліп қоюы мүмкін. Олардың банкоматтары ағылшын тілінде болатыны түсінікті, бірақ бұл біз банкоматтардағы қызметтерді жаппай ағылшын тілінде алуымыз керек дегенді білдірмейді. Егер олар жеткізілген елдің тілінде жұмыс істемесе, банкоматтарды не үшін пайдалану керек? Оның үстіне ескертуді қазақ тілді тұрғыны басым Түркістанда іліп қойды», - деді депутат.

 

 

Ұлттық тұтынушылар лигасының басшысы Светлана Романовскаяның айтуынша, ресейлік банкирлер «тұтынушылардың құқықтарын қорғау туралы» және «тілдер туралы» заңдарды бұзып отыр. Аталған ресми құжаттарда Қазақстан аумағындағы кез келген қызмет, кез келген тауар, жұмыс және ол туралы ақпарат бірінші кезекте мемлекеттік тілде берілуі тиіс екендігі нақты жазылған.

 

«Сбердің әрекеті – заңдарымызды тікелей бұзу. Егер бізге жұрттан шағым түссе, біз банкке жеткізіп, қандай да бір шешімге келе аламыз. Оның үстіне, бұл Қазақстан аумағында қызметін жүзеге асырып жүрген шетелдік банк. Ол өзі мен оның тұтынушысы арасындағы қарым-қатынасты реттейтін барлық нормативтік – құқықтық базаны ұстануы керек», - дейді Романовская.

 

 

 

 




Көрілген: 588    Пікірлер: 0

бейсенбі, 21.10.2021, 19:00

Достарыңмен бөліс:





  • СОҢҒЫ ЖАРИЯЛАНЫМДАР:
    29 Қараша, 14:31
    Мұнай күрт қымбаттады

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31