Нарық

Қаржылық ауқаттылыққа жетелейтін 7 нақты қадам

  • Қаржылық ауқаттылыққа жетелейтін 7 нақты қадам

    Қаржылық ауқаттылыққа жетелейтін 7 нақты қадам

Жаңа өмірдің бастауы саналатын жаңару уақытында әркім алдына әр түрлі мақсат қояды. Баршаңызды осынау көктемнің шұғылалы мерекесі, жыл бастауы Наурыз мейрамымен құттықтаймыз, бай-қуатты болуды тілейміз!
Жаңа жылда біреулер табысын еселегісі келсе, енді бірі жаңа кәсіп ашпаққа бел буады. Наурыз мейрамын әрбір қазақ отбасы үшін ойып тұрып орын алар, жеті түрлі дәмнен дайындалатын дәстүрлі сусын наурыз көжесіз елестету қиын. Сол сияқты біз де, бүгінгі материалымызда өмірдегі маңызды нәрсе — қаржылық ауқаттылық жайлы айтпақпыз және оқырмандарымызға оған апаратын жеті нақты қадам ұсынамыз.


1-қадам

Адам өзін дұрыс «арнаға» бейімдеуі керек. Яғни, қорқыныш жайлы ұмытып, ойды дұрыс жаққа бұру керек. Әрине, табысты кәсіпкердің мақсаты да айқын болуы шарт.

Бізден кеңес: сол мақсаттарды қағазға түсріп, көз алдында болатындай көрінетін жерге іліп қойыңыз. Мәселен, сіздің мақсатыңыз үй алу болуы мүмкін. Осы жолда шағын қадамдар жасап, үлкен мақсатқа қарай бет аласыз. Біреуіне жетіп, келесісін бағындыруға тырысу керек, себебі бұл қаржылық ауқаттылыққа жетудің бастапқы қадамы ғана.

 

2-қадам

Өз капиталын бақылай алмайтын адам қаржылық жағынан тәуелсіз бола алмайды. Осы орайда, қаржылық сауаттылық негіздерін, шығыс пен кірісті дұрыс үйлестіре білуді үйренген жөн. Сондай-ақ, үнемдеу мен ақшаны жинай білу қаржылық тәуелсіздікке апарар бірден-бір жол екенін ұмытпаңыз. Жақсы табысы бола тұра, кей адамдар ақшаны дұрыс пайдалана алмаса, одан қаржылық әл-ауқаты түзелмейді. Сондықтан қаржылық саясатыңызды қайта қарастырып, маңызсыз шығындарды сызып тастап, табысыңыз шығыннан асатындай жасаңыз. Киноға, ресторандарға жиі бару сияқты пайдасыз әдеттерден арылу қажет. Табыс көлемінің жиырма пайызын бөлек жинаған дұрыс.

 

3-қадам

Табысты арттыру үшін жұмыс ауыстыру немесе үйден істейтін қосымша жұмыс табу жайлы ойлану керек. Бастысы — істеген жұмыстан пайда тауып қана қоймай, оған қанағаттану керек. Өзіңізге ұнамсыз іспен айналысу ешқандай қуаныш әкелмейді.

 

4-қадам

Резервтегі капиталдың, жинап жүрген артық ақшаның болуы қаржылық тәуелсіздік жолындағы маңызды қадам. Өмірде түрлі жағдайлар болады, ескерілмеген заттарға шығын шығып жатады. Осындай кезде жиналған сомаңыз болса, керекті қаражатты қайдан алуға болады деп бас қатырмайсыз. Ең дұрысы - ақшаны депозитте жинау.

Мысалы, ВТБ Банкінде депозитке 15 000 теңгеден бастап қаражат жинай аласыз. Банк жиналған қаражатты банктік депозитке тиімді орналастыру мен сол арқылы қосымша пайда табуды ұсынады. Мұнда ең бастысы, ақша сіз үшін жұмыс істеп, ай сайын сыйақы түсіп тұрады. ВТБ Банкіндегі депозит түрлері жайлы толығырақ мына сілтеме арқылы біле аласыз.

 

5-қадам

Жиналған капиталды басқа да тиімді жобаларға салуға болады. Бұл қосымша табыс тапқысы келетіндерге өте қолайлы. Инвестициялауға келер болсақ, қазіргі уақытта оның түрі көп. Қаражат құйғалы отырған саланы егжей-тегжейлі зерттеу керек. Инвестициялаудың негіздері мен принциптерін білмеу және түсінбеу шығынға әкеледі. Қалай болғанда да, ақша ешқашан үйдегі банка да немесе әмиянда жатпауы керек, ол «жұмыс істеп», сізге табыс әкелуі керек. Тек осы жағдайда ғана сіз уақыт өте келе қаржылық тәуелсіздікке қол жеткізудің мүмкіндігіне ие боласыз.

 

6-қадам

Табысқа жету үшін адамға шыдамдылық қажет. Үнемі өз-өзіңізді жаттықтырып: шешендік өнерді, білім мен дағдыларды жетілдіріңіз. Қазір интернетте барлығын оқып, білуге мүмкіндік бар: пайдалы ақпарат, электронды кітаптар және т.б.

 

7-қадам

Жақсы нәтижеге қол жеткіздіңіз бе? Мұнымен тоқтап қалмауға тырысыңыз. Әрқашан алға ұмтылып, көбірек нәрсеге жетуге тырысу қажет. Түрлі нәрсені көріп, татып, жаңа тиімді инвестициялық жобаларды іздеуден қорықпаңыз. Ең бастысы, тәуекел негізді әрі алдын ала есептелген болсын. Табандылық пен шыдамдылық — табысты адамдардың бойындағы бірден-бір қасиет екенін естен шығармаңыз.

Өздеріңіз оқып-көріп отырғандай, өмірде материалдық, қаржылық тұрғыда тәуелсіз болудың айтарлықтай құпиясы жоқ. Барлығы адамның жеке көзқарасына, талпыныс пен ұмтылысына байланысты.




Көрілген: 319    Пікірлер: 0

дүйсенбі, 23.03.2020, 13:51

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31