Нарық

Қазақстанда айлығы 240 мың теңгеден аз жұмысшылардың табыс салығы азаяды

  • http://www.matritca.kz/

    http://www.matritca.kz/

Қазақстанда айлығы 240 мың теңгеден аз жұмысшыларға салынатын жеке табыс салығының мөлшері төмендейді.

 

Сенатта өткен «Салық саясаты мен салықтық әкімшілікті жетілдірудің концептуалдық мәселелері» тақырыбындағы дөңгелек үстелде бұл туралы ҚР ҰЭМ Салық және кеден саясаты департаментінің директоры Азамат Әмрин мәлім етті, деп хабарлайды ҚазАқпарат тілшісі.

 

«Алдыңғы жылдардағы жалақы бойынша деректер негізінде мөлшерлемелер шкаласы әзірленді.

Ол жылына 720 мың теңгеге (айына 60 мың теңге) дейін кірісі барларға жеке табыс салығын (ЖТС) нөлдік мөлшерлемемен, жылына 720 мыңнан 2,4 млн теңгеге дейін, кірісі барларға 15 пайыздық мөлшерлеме бойынша, 2,4 млн теңгеден 3,6 млн теңгеге дейін, кірісі бар адамдарға 17 пайыздық мөлшерлеме бойынша және жылына 3,6 млн теңгеден астам кірісі барларға 20 пайыздық мөлшерлеме бойынша салық салуды болжайды.

Мұндай тәсілді енгізсек 4,6 млн азамат үшін жүктеме азаяды. Олардың 3 миллионға жуығы ЖТС төлеуден босатылады. Яғни олар - еңбекақысы 100 000 теңгеге дейінгі қызметкерлер. Тұтастай алғанда жалақысы 240 мың теңгеге дейінгі барлық азаматтарға қатысты ЖТС айтарлықтай төмендейді», - дейді ол.

 

Департамент директорының айтуынша, салық жүктемесі 250-ден 300 мың теңгеге дейінгі еңбекақысы бар шамамен 300 мың адамға ЖТС мөлшері бұрынғы деңгейде қалады.

 

«Салық жүктемесінің 50 пайызға жуық ұлғаюы 500 мың теңгеден астам еңбекақы алатын 190 мыңға жуық қызметкерге тиесілі. ЖТС салудың прогрессивті шкаласын енгізуден бюджетке қосымша түсімдер 54,8 млрд теңгені құрайды», - дейді Азамат Әмрин.


 




Көрілген: 1066    Пікірлер: 0

бейсенбі, 13.02.2020, 18:03

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30