Нарық

Қазақстанда азық-түлік бағасы тағы да өсті

  • Қазақстанда азық-түлік бағасы тағы да өсті

    Қазақстанда азық-түлік бағасы тағы да өсті

Еліміздің бірқатар аймақтарында азық-түлік қымбаттады. Әсіресе, сұйық май мен қанттың құны шарықтап кеткен деп хабарлайды КТК телеарнасы.


Ақтөбе мен Оңтүстік Қазақстан облыстарында өсімдік майының бағасы айналдырған екі-үш күнде литріне 100 теңгеге көтеріліпті. Қанттың келесіне 50-70 теңгеден қосылған. Қарағанды мен Солтүстік Қазақстан облысын да қымбатшылық қысып тұр.

Ақтөбеліктер азық-түлік бағасының күннен-күнге қымбаттап жатқанына қапалы. Өсімдік майының бір литрі бұлай бірден жүз теңгеге көтеріледі деп күтпеген. Бұрын базарда сұйық майдың бес литрі 2 жарым мың теңге тұрса, қазір ең арзаны 2800-3000 теңге. Оған қоса қанттың құны да шарықтады. Оның келесіне 30-50 теңгеден қосылған.

Бағасы қымбаттаған қантты Ақтөбеге сырттан жеткізгенімен, күнбағыс майы осы аймақта өндіріледі. Шенеуніктер қорды азық-түлікпен толтырдық деп отыр. Бастысы ел тамақтан тарықпайды дейді. Ал бағасына бас ауыртпайтын сияқты.

Отыз екі түрлі тауарды мониторингке алып отырмыз. Қазіргі күні барлығын апта сайын мониторинг жасаймыз. Онда қанша өнім бар, қанша күнге жетеді деген сияқты. Біздің есебіміз бойынша бүгінгі күнге бір жарым-екі айға жететін азық-түліктің қоры жеткілікті, - деді Ақтөбе облыстық Ауыл шаруашылығы басқармасының басшысы Құсайын Сәрсемба

Оңтүстік аймақта да азық-түлік бағасы ұшып тұр. Мұнда да екі жарым мың теңгеден сатылып жатқан 5 литрлік сұйық майға бірден 500 теңге қосылған. Қанттың құны да қуантпайды, 70 теңгеге өсті. Ең қызығы жеміс-жидек пен көкөністің отаны саналған Шымкентте дәл осы өнімдердің бағасы өскен. 1

50 теңгеден сатылып жатқан картопқа 10 теңге қосылып, 160 болса, сәбіз 20 теңгеге қымбаттады. 100 теңге тұрған пияз да 120-дан сатылып жатыр.

Қазір бәрі алқаптан жинап алды да қоймада тұр. Сонымен қорықпайды қазір сатады жайлап.Біздің клиенттер шағым жасамайды. Өздері келіп үйреніп қалған. Қысқа алып жатыр 5 қап, 3 қап, 2 қап. Бізде тек қана сондай, - деді сатушы Сабыржан Бектаев

Өңірлер арасында қымбатшылықтың көкесі- Кереку мен Қарағандыда. Ол жақтағы тек сұйық май мен қанттың құнын бөліп айтар болсақ, сұйық май 200 теңгеге, қант 70-80 теңгеге қымбаттаған. Бұл қос тауарды негізінен еліміз көршілес Ресейден тасиды. Ол жақтағы баға қалай құбылса, бізге де солай әсер етеді дейді мамандар.Қант Ресей Федерациясынан әкелінеді. Бағасы Ресей Федерациясының  тауар өндірушілерінің өсіруімен байланысты, - деді Ақтөбе қалалық кәсіпкерлік бөлімінің сектор меңгерушісі Жамбыл Сәлиев

Тауардың бағасы өсуде. Оған себеп шикізаттың өсуіне байланысты. Қай қаланың шенеуніктері болмасын бағаны тұрақтандыруға барын салып жатқандарын айтады. Бірақ онысы еш байқалмайды деп ашынады тұрғындар. Өзімізде өнім өндірілмей, көршіге телміргендіктен қымбатшылықты тоқтату әзір мүмкін болмай тұр.

BAQ.KZ




Көрілген: 836    Пікірлер: 0

жұма, 13.11.2020, 09:13

Достарыңмен бөліс:

  • СОҢҒЫ ЖАРИЯЛАНЫМДАР:
    25 Қаңтар, 12:04
    Доллар бағамы өсті
    19 Қаңтар, 12:05
    Доллар бағамы

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31