Нарық

Қазақстанда кәсіпкерлерді қолдау жөніндегі қосымша пакет әзірленді

  • Қазақстанда кәсіпкерлерді қолдау жөніндегі қосымша пакет әзірленді

    Қазақстанда кәсіпкерлерді қолдау жөніндегі қосымша пакет әзірленді

4 наурызда Үкімет басшысы Асқар Мамин ҚР Президенті жанындағы Экономикалық өсімді қалпына келтіру жөніндегі мемлекеттік комиссияның отырысын өткізді.

 
Отырыста Ұлттық экономика министрі Әсет Ерғалиев, «Атамекен» ҰКП басқарма төрағасы Абылай Мырзахметов, ҚР Қаржы нарығын реттеу және дамыту агенттігінің төрағасы Мәдина Әбілқасымова, Премьер-министрдің бірінші орынбасары Әлихан Смайылов баяндама жасады.

2020 жылдан бастап ұлттық экономикадағы қалпына келтіру серпінін қамтамасыз ету мақсатында жұмыспен қамтуға жәрдемдесуді, кәсіпкерлік қызметті жандандыруды, цифрландыруды, АӨК әлеуетін ашуды, сондай-ақ тұрғын үй-коммуналдық, көлік, әлеуметтік және сауда инфрақұрылымын дамытуды көздейтін дағдарысқа қарсы шаралардың бірнеше топтамасы қабылданды.

2020 жылы COVID-19 пандемиясының салдарынан экономиканың ең көп зардап шеккен секторларының бірі - шағын және орта бизнес. Осыған байланысты, биыл «Атамекен» ҰКП 50 мыңнан астам кәсіпкерге қосымша қолдау шараларына қажеттілік тұрғысынан сауалнама жүргізді.

Сауалнама нәтижесінде 4 бағыт: бизнеске жүктемені азайту, қаржыландыруға, сұраныс нарықтарына және сапалы адам ресурстарына қолжетімділікті кеңейту бойынша 24 шарадан тұратын қосымша пакет әзірленді.

Жаңа шаралар топтамасы 26 ақпанда Мемлекет басшысы Қасым-Жомарт Тоқаевтың төрағалығымен өткен Реформалар жөніндегі жоғары кеңес аясында қаралды.

Шаралар кешені экономиканың зардап шеккен салаларындағы ШОБ субъектілерінің ЭҚЖЖ тізбесін 1 маусымға дейін жеңілдікті шарттармен қайта қаржыландыру үшін 29-дан 174-ке дейін кеңейтуді, мемлекеттік мүлік объектілері және квазимемлекеттік сектор мүлкі бойынша жалдау төлемдерін есептеуден 1 шілдеге дейін ШОБ зардап шеккен субъектілерін босатуды ұзартуды, ағымдағы жылдың соңына дейін мүлік салығын төлеуден босатуды ұзартуды, жұмыс берушіден алған қорғау қаражаты түрінде кәсіпкерлік субъектілері жұмыскерлерінің табыстарын ЖТС-дан босатуды, мемлекеттік органдар мен квазимемлекеттік сектор субъектілерінің бастамасы бойынша заңды тұлғалар мен жеке кәсіпкерлердің банкроттығына мораторийді 1 шілдеге дейін ұзартуды, отандық тауар өндірушілердің мемлекеттік сатып алуға қолжетімділігін арттыруды, «Даму» КДҚ» АҚ кепілдік беру құралын Ұлттық банктің жеңілдікпен несиелендіру бағдарламасына таратуды қамтиды.

Премьер-министр Ұлттық экономика министрлігіне 25 наурызға дейін Мәжіліске енгізу үшін қолданыстағы заңнамаға тиісті түзетулер топтамасын ағымдағы жылдың 12 наурызына дейін Үкіметке енгізуді тапсырды.




Көрілген: 1126    Пікірлер: 0

жұма, 05.03.2021, 10:40

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30