Нарық

Қазақстандықтар 6 компанияға зейнетақы жинағын инвестициялай алады

  • https://www.inform.kz/

    https://www.inform.kz/

Келесі аптадан бастап қазақстандықтар зейнетақы жинақтарының бір бөлігін инвестициялай алады. Бұл туралы бүгін ҚР Қаржы нарығын реттеу және дамыту агенттігі Құнды қағаздар департаментінің директоры Еділ Медеу айтты, деп хабарлайды ҚазАқпарат тілшісі.

 

«Зейнетақы активтерін басқаруды жоспарлап отырған жекелеген басқарушы компаниялар қазірдің өзінде зейнетақы активтерін сенімгерлік басқаруға арналған келісімшарт жасасу бойынша Бірыңғай жинақтаушы зейнетақы қорымен жұмысты бастап кетті. Олармен ақпан айының басынан бері ақпарат алмасу және зейнетақы жинағын берумен байланысты техникалықмәселелер пысықталуда. Келісімшарттар жасалып, БЖЗҚ сайтында басқарушы компаниялардың тізілімі жарияланғаннан кейін салымшылар басқарушы компанияны таңдап, жинақтарының бір бөлігін сол жаққа аудара алады. Біз келесі аптада салымшылар үшін бұл қызмет қолжетімді болады деп ойлаймыз», - деді Еділ Медеу.

 

Агенттік мәліметінше, инвестициялық портфельді басқаруға арналған лицензиясы бар 18 басқарушы компанияның 6-уы бекітілген талаптарға сәйкес келеді.

 

Олар:

 

1) «First Heartland Jysan Invest» АҚ

 

2) «BCC Invest» АҚ - «Банк ЦентрКредит» АҚ-тың еншілес ұйымы»

 

3) «Halyk Global Markets» АҚ («Қазақстан Халық Банкі» АҚ-тың ЕҰ)

 

4) «Halyk Finance» Қазақстан Халық Банкінің ЕҰ» АҚ

 

5) «First Heartland Capital» АҚ

 

6) «Сентрас Секьюритиз» АҚ

 

Айта кетерлігі, салымшылар зейнетақы жинақтарын бір басқарушы компаниядан екіншісіне жылына бір реттен жиі емес бере алады.

 

Ал зейнетақы жинағын Ұлттық банктің басқаруына екі жылдан кейін қайтара алады.

 

Еске салсақ, 2 қаңтарда ҚР Президенті Қасым-Жомарт Тоқаев зейнетақы жинағының бір бөлігін мақсатты пайдалануға қатысты заңға қол қойды. Қазақстандықтардың зейнетақы жинақтарын пайдалану үшін жаңартылған «жеткіліктілік шегі» жарияланды. Зейнетақы жинағынан алуға болатын сома БЖЗҚ сайтында автоматты түрде көрсетіледі. Сонымен қатар, Басқарушы компанияларға берілетін қаражаттан табыс салығы алынбайды.

 

 

 




Көрілген: 2198    Пікірлер: 0

сәрсенбі, 17.02.2021, 19:03

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30