Нарық

Қазақстандықтар мемлекетке 23 млрд теңге қарыз

  • Қазақстандықтар мемлекетке 23 млрд теңге қарыз

    Қазақстандықтар мемлекетке 23 млрд теңге қарыз

ҚР Қаржы министрлігі Мемлекеттік кірістер комитетінің мәліметі бойынша, 2021 жылдың бірінші жартыжылдығының қорытындысы бойынша жеке меншіктегі мүлік бойынша салық берешегінің сомасы 23 млрд теңгені құрады.

Көлік салығы бойынша жалпы берешек сомасы 21,5 млрд теңгені құрады, оның ішінде негізгі сомасы 17,5 млрд теңге, өсімпұлдар - 3,9 млрд теңге. 263 802 жеке тұлғалардың мүлік салығы бойынша берешек 1,1 млрд теңгені құрады, оның ішінде негізгі сомасы 877,1 млн теңге, өсімпұлдар - 269,9 млн теңге. Сонымен қатар, 261 801 жеке тұлғаның жер салығы бойынша қарыз 409,5 млн теңгені құрады, оның ішінде негізгі сомасы 282,7 млн ​​теңге, өсімпұлдар - 126,8 млн теңге, - дейді ҚР Қаржы министрлігі Мемлекеттік кірістер комитетінің баспасөз қызметі.
Салық заңнамасы салық міндеттемесінің орындалуын кешіктірген әрбір күн үшін өсімпұл есептеуді қарастырады, ал айыппұлдарды қолдану заңда көзделмеген.

Сонымен қатар салық міндеттемесі орындалмаған немесе тиісінше орындалмаған жағдайда, салық органдары салық берешегін мәжбүрлеп өндіріп алуды қамтамасыз ету үшін салық заңнамасында көзделген әдістерді қолдануға міндетті.

Бұл ретте салық заңнамасы банктердің салық берешегі, әлеуметтік төлемдер бойынша берешегі бар салық төлеушіге (заңды тұлға, жеке кәсіпкер, жеке тұлға) банктік шот ашудан бас тарту міндеттемесін көздейді.

Бұл ереже мемлекеттік бюджеттен және Мемлекеттік әлеуметтік сақтандыру қорынан төленетін жәрдемақылар мен әлеуметтік төлемдерді алуға арналған банктік шоттарға, білім беру жинақ салымы шарты бойынша банктік шоттарға қолданылмайды. Яғни, егер банктік шотты жеке тұлға осы мақсаттар үшін ашса, онда мұндай адамның салық берешегі болса да, банк оны ашудан бас тартуға құқылы емес.

Бұдан басқа, Салық кодексіне сәйкес салық берешегі бір айлық есептік көрсеткіштен артық мөлшерде төленбеген жағдайда, салық берешегі туралы хабарлама берілген күннен бастап отыз жұмыс күні ішінде төленбеген жағдайда салық органы сәйкес салық бұйрығын шығарады және оны Қазақстан Республикасының атқарушылық іс жүргізу және оның мәртебесі туралы заңнамасында белгіленген тәртіппен аймақтық жеке сот орындаушылар палатасына немесе әділет органдарына мәжбүрлеп орындау үшін жібереді, – делінеді баспасөз қызметі хабарламасында.


BAQ.KZ




Көрілген: 1009    Пікірлер: 0

сейсенбі, 17.08.2021, 08:40

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31