Отандасымыздың стартап жобасы Канадада топ жарды

09 маусым 2022, 10:13

Қазақстандық Әсел Беглинованың стартап жобасы Канададағы Google for Startups тарапынан үздік деп танылды, - деп хабарлайды Alashainasy.kz тілшісі Тurkystan.kz-ке сілтеме жасап.

Бұл туралы Цифрлық даму, инновациялар және аэроғарыш өнеркәсібі министрі Бағдат Мусин әлеуметтік желідегі парақшасында хабарлады.

 

«Әсел Беглинова есімді отандасымыз Канадада кәсіпкерлерге көмектесетін сервис ойлап тапты. Оның стартабы Канада мен Америка Құрама Штаттарындағы жүздеген компаниялар арасында топ жарып, үздік атанды», – деп жазды ведомство басшысы.

 

Ол Google for Startups акселераторы Қазақстанда, атап айтқанда, Astana_hub-та да бар екенін атап өткен. Оның құрылтайшылары Орталық Азияның барлық елдері, Моңғолия және Әзербайжан арасында таңдау жасап, бізді өңірлік серіктес ретінде таңдаған.

 

Яғни, Astana Hub және Google for Startups ұсынған Silkway акселерациялық бағдарламасына Орталық Азия, Әзербайжан және Моңғолия елдерінен Product/market fit сатысында стартап-компаниялар қатыса алады.