Нарық

Рақымшылық аясында әзірге 400 мың адамның салық қарызы кешірілді

  • © ainews.kz

    © ainews.kz

Өсімпұлдарды есептен шығару акциясы басталған кезде 1,5 миллион жеке тұлғаның жалпы қарызы 26,3 миллиард теңгені құрады, оның ішінде негізгі қарыз сомасы 21,8 миллиард теңге, өсімпұл 4,5 миллиард теңгені құраған болатын, деп хабарлайды zakon.kz ҚР ҚМ Мемлекеттік кірістер комитетіне сілтеме жасап.

 

Ведомствода атап өткендей, өсімпұлдарды есептен шығаруға арналған акцияның аяқталуына екі айдан аз уақыт қалды.

 

Ағымдағы жылдың 6 қарашадағы жағдай бойынша салықтық рақымшылық мүмкіндіктерін 400 мыңға жуық жеке тұлға пайдаланды, олар 5,5 млрд теңге көлеміндегі берешектерін өтеп, 612,2 млн.теңге өсімпұл есептен шығарылды.

 

Алматы қаласы көлік салығы бойынша өсімпұлдарды есептен шығаруда көшбасшылардың қатарында. Оңтүстік мегаполистің тұрғыны 2,3 миллион теңге қарызын төлеп, оған 1,6 миллион теңгеге жуық өсімпұл кешірілді.

 

Сонымен қатар, Шымкент қаласының тұрғыны жер салығы бойынша 1,4 млн. теңге мөлшерінде негізгі қарыз сомасын төлеген, осылайша ол 209 809 теңге сомасында өсімпұлдан босатылған.

 

Мүлік салығы бойынша өсімпұлдарды есептен шығару рейтингін Нұр-Сұлтан қаласының тұрғыны басқарды. 260 мың теңгеден асқан өсімпұлдан құтылу үшін ол 515 586 теңге негізгі қарызды төледі.

 

МКК жыл соңына дейін салықтар бойынша негізгі қарызды төлеген жағдайда өсімпұлды есептен шығару бойынша рақымшылық қолданылатынын еске салады.

 

Салықтық рақымшылық жүргізу мерзімі - 2020 жылғы 31 желтоқсанға дейін.

 

Өсімпұлды есептен шығару үшін ешқайда барудың қажеті жоқ. Қарыздың негізгі сомасын төлеу жеткілікті. Өсімпұл автоматты түрде есептен шығарылады. Мемлекеттік кірістер органдарының барлық аумақтық бөлімшелерінде өсімпұлдарды есептен шығару жөніндегі комиссиялар құрылды.

 

Салықтар бойынша берешектің бар/жоқ екендігі туралы мәліметтерді ҚР ҚМ Мемлекеттік кірістер комитетінің сайтында http://kgd.gov.kz/ru/app/culs-taxarrear-search-web сілтемесі бойынша, сондай-ақ eSalyq mobile (AppStore, PlayMarket) мобильді қосымшасы арқылы тексеруге болады.




Көрілген: 1281    Пікірлер: 0

бейсенбі, 12.11.2020, 14:09

Достарыңмен бөліс:

  • СОҢҒЫ ЖАРИЯЛАНЫМДАР:
    19 Қаңтар, 12:05
    Доллар бағамы

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31