Нарық

Салықтық жеңілдіктер қысқартылады

  • Салықтық жеңілдіктер қысқартылады

    Салықтық жеңілдіктер қысқартылады

Бұл туралы Сенатта өткен «Салықтық льготаларды оңтайландыру және олардың тиімділігін арттыру» атты «дөңгелек үстелде» жарияланды.
Бұған дейін арнайы тексеріс жүргізген Есеп комитеті Үкіметке еліміздегі салықтық жеңілдіктердің бәрін болмағанымен, біразын жою туралы кеңес берген екен. Содан Министрлер кабинеті, бизнес-қауымдастықтармен бірлесіп, қолданыстағы жеңілдіктерге жаппай ревизия жүргізіп шыққан. Оның қорытындылары кеше жарияланды.
Ұлттық экономика министрінің бірінші орынбасары Марат Құсайыновтың мәліметінше, бүгінде Қазақстанда барлығы 281 салықтық жеңілдік жұмыс жасайды.
– Бұлардың ішінде 118-і – стандартты, ал 163-і – стандартты емес, – деді ол. – Негізгі жұмыс та осы соңғылары бойынша жүргізілді. Нәтижесінде, стандартты емес жеңілдіктерді біз бірнеше топқа бөлдік.

Бірінші топ «әлеуметтік» деп аталған, оған мүгедектер, көпбалалы отбасылар, жетім балалар секілді халықтың жекелеген топтарына қосымша қолдау көрсететін түрлер енген. Олардың саны – 64, үлесі 39 пайызды. Екіншісі – «экономикалық жеңілдіктер» олар өндірістің, экономиканың басым салаларының дамуын және жаңғыртылуын, сондай-ақ жоғары технологиялардың ендірілуін қолдайды. Саны – 67 немесе 41 пайыз. Үшінші топ «сыртқы экономикалық» саналады және елдің импорттық-экспорттық әлеуетін ұлғайтуға бағытталған. Саны – 16 немесе 10 пайыз.
Төртіншісі «инвестициялық» және экономикаға инвестиция тартуды көздейді. Мұндай 16 жеңілдік бар. Осылардың барлығы бойынша Үкімет, кәсіпкерлермен бірлесіп, олардың қаншалықты бюджеттік, әлеуметтік, экономикалық нәтиже беріп отырғандығын талдаған.
«Осы критерийлерді негізге ала отырып, біз бірінші кезекте қысқартылатын жеңілдіктерді анықтадық, бұлар – уақытша, жекеге бағытталған және ДСҰ-ға кіру талаптарына қайшы келетін жеңілдіктер» деген М.Құсайынов осы орайда қысқартуға «инвестициялық топ» ілікпейтінін ескертті. «Қазақстанға Тәуелсіздіктің бүкіл жылдарында тартылған тікелей шетелдік инвестициялардың 50 пайызы соңғы 4 жыл үлесіне тиеді. Сондықтан инвестициялық қызметті ынталандыруға бағытталған қолданыстағы салықтық жеңілдіктер негізделген және тиімді, демек, сақтауға жатады деп санаймыз!»
Осылайша, жүргізілген ревизия қорытындысы бойынша жалпы сомасы 200 миллиард теңгеден асатын салықтық жеңілдікті жою ұсынылып отыр. Нәтижесінде, ауыл шаруашылығы тауарларын өндірушілердің жер салығын 70 пайызға азайту, стратегиялық инвестициялық жобаларды жер мен мүлік са-лығынан босату, дивидендтер салығына жеңілдік, қаржылық лизинг сыйақысын корпоративтік табыс салығынан босату секілді жеңілдіктер тарихқа кетеді. Сондай-ақ аяқталуының нақты мерзімі көрсетілетін уақытша жеңілдіктер де алынып тасталмақ.
 

Автор: Айхан Шәріп, Айқын




Көрілген: 2256    Пікірлер: 0

сенбі, 18.10.2014, 09:19

Достарыңмен бөліс:

2
  • СОҢҒЫ ЖАРИЯЛАНЫМДАР:
    12 Наурыз, 11:43
    Доллар 402 теңге болды

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30