ҰБТ

ҰБТ- 2019: Талапкерлерден 90 мың ұялы телефон тәркіленді

  • Tengrinews.kz

    Tengrinews.kz

Биылғы Ұлттық бірыңғай тестілеу кезінде талапкерлерден 90 375 ұялы телефон тәркіленді, деп хабарлайды ҚазАқпарат.


«Ұлттық бірыңғай тестілеу барысында 90 375 ұялы телефон, 28 344 калькулятор және 1 867 шпаргалка тәркіленді», - деп жазды Ұлттық бірыңғай тестілеу орталығы директорының міндетін атқарушы Дидар Смағұлов өзінің Facebook парақшасында.


Сондай-ақ, орталық басшысы ата-аналарды балаларды адалдыққа тәрбиелеуге шақырды.


«Құрметті ата-аналар, балаларды ҰБТ жүйесін алдауға емес, адал бәсеке және нағыз біліммен жарысуға тәрбиелейік», - деді ол.


Еске сала кетсек, Білім және ғылым министрі Асхат Аймағанбетов ұлттық тестілеуде ұялы телефонмен ұсталған түлектерге шара қолданылатынын айтып өткен болатын.


«Ұлттық бірыңғай тест тапсырудың өз ережесі бар. Сол ережеге сәйкес комиссияларымыз жұмыс істейтін болады. Әрине, келеңсіз жағдайларды болдырмай, олардың алдын алуымыз керек. Мәселен, телефон, басқа нәрселер алып кірсе, онда оған тыйым салып, тоқтатуымыз керек. Бірақ, бұл психологиялық ахуалды өзгертпеуі тиіс. Сондай тапсырма беріп отырмыз», - деді министр.


Айта кетсек, биыл ҰБТ-ға қатысуға 117 242 талапкер өтініш білдірді. Оның ішінде осы жылы мектеп бітірушілер саны 96 380 адамды (өткен жылғы мектеп бітірушілер саны - 20 862) құрады.


 




Көрілген: 477    Пікірлер: 0

дүйсенбі, 01.07.2019, 10:07

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31