Футбол

ЧЛ. ПСЖ мен "Рома" бірінші ойында жеңіске жетті

  • © Reuters

    © Reuters

Футболдан Чемпиондар лигасы 1/8 финалындағы ойындар басталды. Түнде өткен бірінші ойындарда ПСЖ мен "Рома" жеңіске жетті.


МЮ (Англия) - ПСЖ (Франция) 0-2


Екі команда арасындағы ойынды футболсүйер қауым асыға күткен. Аса жылдамдықпен өткен кездесудің бірінші таймында гол соғылмады. Есесіне сары қағаздардың саны көп-ақ болды. Италиялық төреші Орсато бірінші таймның өзінде 5 бірдей ойыншыға ескерту жасады.


Екінші таймды париждік команда ширақ бастады. 53 минутта қорғаушы Преснель Кимпембе бұрыштамадан асырылған допқа бірінші жетіп, гол соқты. Екінші голды қарымта шабуыл кезінде Килиан Мбаппе өз еншісіне жазды. Ол Анхель ди Мария асқан шеберлікпен берген пасты ұтымды пайдалана білді.


Ойында ереже бұзылған сәттер көп болды. Бас төреші бірде-бірін назардан тыс қалдырмады. Сары қағаз көрсетуден де жаңылған жоқ. Тіпті 90 минутта Поль Погба алаңнан да қуылды. Хавбек қарымта ойынға қатыспайды.


11 ойын қатарынан ұтылмай келген "қызыл сойқандардың" қарқынын ПСЖ ойыншылары тоқтатты. Қарымта ойын 7 наурыз күні Парижде өтеді.


"Рома" (Италия) - "Порту" (Португалия) 2:1


Римде өткен ойында да голдардың барлығы екінші таймда соғылды. "Романың" 19 жастағы жартылай қорғаушысы Николо Дзаньоло дубль жасады. Ал "Портудың" бір голын 79 минутта Адриан Лопес соқты.


Бұл екі клуб арасындағы қарымта ойын да 7 наурызда өтеді.


Бүгін түнде 1/8 финалдағы ойындар жалғасады. Лондонда "Тоттенхэм" Дортмундтың "Боруссия" клубымен кездеседі. Ал "Аякс" өз алаңында Мадридтің "Реалымен" ойнайды.


 vesti.kz




Көрілген: 677    Пікірлер: 0

сәрсенбі, 13.02.2019, 18:00

Достарыңмен бөліс:

2
  • СОҢҒЫ ЖАРИЯЛАНЫМДАР:
    17 Маусым, 12:07
    ПСЖ Неймарды сатпақ

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31