Футбол

Қазақстан футбол құрамасы өз алаңында Бельгиядан жеңіліп қалды

  • © ҚазАқпарат

    © ҚазАқпарат

Футболдан 2020 жылғы Еуропа чемпионатына іріктеу аясында Қазақстан ұлттық құрамасы «Астана Аренада» Бельгияны қабылдады, деп хабарлайды ҚазАқпарат тілшісі.


Ойынның турнир кестесі тұрғысынан ешқандай маңызы жоқ еді. Бельгия құрлық чемпионатына баратын жолдаманы өткен турда алып болған, ал Қазақстан ондай мүмкіндіктен Кипрден ұтылған соң айырылған.


Сондықтан екі құраманың бапкерлерінің алдында екі түрлі мәселе тұрды.


Роберто Мартинес алдағы маңызды матчтарға тактикалық дағдыларды жетілдіруге көңіл бөлсе, Михал Билек шәкірттері өз жанкүйерлерінің көз алдында жақсы ойын көрсету үшін намысқа тырысты.


Қазақстан құрамасы ойынды жақсы бастады деуге болады. Тіпті кей тұстарда азулы қарсыласпен терезесі тең ойын көрсетіп те жүрді, қорғаныс шебі қырағы болды. Алғашқы жиырма минутта қонақтар ырымға бір қауіпті шабуыл ұйымдастыра алған жоқ.


Өкінішке қарай, сол қырағы қорғаныс 21-минутқа келгенде бір сәт қана алаңсыз болып қалды. Соның өзі бельгиялықтардың есеп ашуына жеткілікті болды. Жартылай оң қанатта Қазақстан қорғанысының екі шебінің арасынан Деннис Прат күтпегенде сытылып шыға келді де, командаласынан допты алған бетте қақпашы алаңқайының ішіне – тура Миши Батшуайиге дәл пас берді. 23-нөмірдегі шабуылшы мүмкіндікті мүлт жіберген жоқ.


Екінші тайм да біршама тең ойынмен басталғандай болды. Қонақтар жиі шабуылдағанмен, мүмкіндік аз болды. Бірақ 53-минутта қонақтардың капитаны Эден Азар тағы да жартылай оң қанаттан ашыла бастаған Тома Меньеге дәл кросс жасады. Осы жерде командалардың, ойыншылардың жалпы деңгейі белгілі болды. Допты өзіне сәтті өңгеріп алған Менье Непогодов қақпасына дәл соққы бағыттап, есепті еселей түсті.


Ойын аяғына қарай бельгиялықтар тағы да гол соғу үшін шабуылдар ұйымдастырды, бірақ алаң иелерінің қорғанысы енді сыр берген жоқ. Осылайша, ойын 0:2 есебімен аяқталды.


І тобында 8-турдан кейін Қазақстан 7 ұпаймен 4-орында қалды. Ал Бельгия толық 24 ұпаймен кесте басына нық жайғасты.


 


 


 


 


 


 




 




Көрілген: 238    Пікірлер: 0

жексенбі, 13.10.2019, 22:11

Достарыңмен бөліс:

2
  • СОҢҒЫ ЖАРИЯЛАНЫМДАР:
    17 Маусым, 12:07
    ПСЖ Неймарды сатпақ

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30