Футбол

УЕФА ЧЛ: «Боруссия Д» «Пари Сен-Жермен» командасын тізе бүктірді

  • Фото: ru.uefa.com

    Фото: ru.uefa.com

19 ақпанға қараған түні 2019/20 жылғы УЕФА Чемпиондар лигасы 1/8 финалының алғашқы ойындары өтті, деп хабарлайды  тілшісі.

Дортмундта «Боруссия» Францияның жұлдызды «Пари Сен-Жермен» командасын қабылдады. Ойын көпшілік күткендей, қонақтардың жойқын шабуылдарымен басталды.

Бірақ олар 1-таймда гол соғу былай тұрсын, қақпаға соққы бағыттауға мүмкіндік таба алған жоқ.

Есесіне 2-таймда, 69-минутта «аралардың» 19 жастағы жаңа дарынды шабуылшысы норвегиялық Әрлиң Брәут Холанн есеп ашты.

75-минутта Томас Тухель шәкірттері соған сай жауап берді: Килиан Мбаппе үш қорғаушыны алдып өтіп, оңтайлы орында тұрған Неймарға пас берді. Ал бразилиялық шабуылшы бос қақпаға еш қиындықсыз гол салды.

Бірақ арада екі минут өтер-өтпесте Холанн алыстан шірене теуіп, есепті еселей түсті.

 

 

Қарымта ойынды париждіктер өз алаңында өткізеді. Жанкүйерлері қолдап тұрғанда, бүгінгі 2-1 есебіндегі жеңілістен кейін де олардың ширек финалға шығу мүмкіндігі аз болмас.

Бірақ бүгін сары қағаз алуына байланысты, Париждің екі белді ойыншысы – Марко Верратти мен Тома Мөнье келесі ойынға қатыса алмайды.

 

Осы ойынмен қатар, Мадридтегі «Ванда Метрополитано» стадионында жергілікті «Атлетико» мен Чемпиондар лигасының қазіргі жеңімпазы, Англияның «Ливерпуль» командасы бақ сынасты.

Бұл ойында «Атлетико» өз стилінде жеңіске жетті. 4-минутта Сауль Ньигес есеп ашты. Ары қарай, «үндістер» Юрген Клопп шәкірттерін өз қақпасына жолатқан жоқ. Қайта өздері арагідік қарсы шабуылдар жасап отырды. Ойын тағдырын ерте соғылған сол жалғыз гол шешті.

Бүгін жанкүйерлерді «Аталанта» - «Валенсия», «Тоттенхэм Хотспур» - «Ред Булл Лейпциг» ойындары күтіп тұр.

 

 

 




Көрілген: 343    Пікірлер: 0

сәрсенбі, 19.02.2020, 08:48

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31