Сен тұр - мен айтайын!

Cебептерді қанша орындасақ та, себептердің нәтижесін беретін Алла екенін ұмытпауымыз қажет

  • Cебептерді қанша орындасақ та, себептердің нәтижесін беретін Алла екенін ұмытпауымыз қажет

    Cебептерді қанша орындасақ та, себептердің нәтижесін беретін Алла екенін ұмытпауымыз қажет

 Маған кеше Ақтаудан таныс бір азамат хабарласып мешітте жамағатпен намаз оқытатпай жатқанын хабарлап, имамдарға деген ренішін жеткізді. Сондағысы "фалақ" пен "нас" сүресін оқыған мұсылманға вирус жұқпайды екен. Дәл осындай мәндегі видео роликті Алмас Алтай бауырым да маған жіберіп, жамағатқа түсіндіруімді сұрапты.
Жалпы мұндай мәселелер мына дүниедегі Алланың қойған заңдылықтары мен дұғаның арасын дұрыс ажырата алмаудан туындайды. Шынайы тақуалық әрекет пен салғырттықты шатастырудан шығады.

Әсілінде, дұға-тілек екі түрлі болады. Біріншісі іспен, Құдайдың мына дүниеде қойған заңдылықтарын, себептерін орындау арқылы жүзеге асады. Мысалы, көктемде жер жартып, егін егу, дәрісін шашып, тыңайтқышын құю да әрекетпен жасалған "Жаратушым маған берекелі егін бер" деген дұғаға жатады.
Ал екіншісі жүрекпен, тілмен жалбарыну арқылы болады. Сондықтан қазіргі әлемдік пандемияға айналған коронавирусқа қарсы екі түрлі дұғаны қатар жасауымыз керек.

Сөзбен жасалған дұға жеткілікті деу дінді, пайғамбарды дұрыс түсінбеу. Алла елшісі (с.а.у.) не нәрсе болсын, алдымен Алланың осы дүниеде қойған заңдылықтарын, себеп-салдарларын орындайтын. Мысалға ухыд соғысын алайық. Мәдинаға қалың әскермен шабуыл жасаған құрайыштықтарға қарсы мұсылмандарды барынша қаруландырды. Өзі де сауытын киіп, қолын көкке көтеріп, егіле жылап ұзақ дұға жасады. Сахабаларына "сауыттарыңды шешіп, қаруларыңды тастап, "фалақ" пен "нас" сүрелерін оқысаңдар, сөзсіз жеңіске жетесіңдер" деген жоқ. Керісінше екі түрлі дұғаны да кемеліне жеткізіп орындады. Хандақ соғысында да дұшпандардан Мәдина қаласының айналасына ор қазу арқылы қорғанды.

Алла елшісінің: "Қай жерде оба ауруы шыққанынын естісеңдер, ол жерге атап баспаңдар. Ал өздерің тұрып жатқан мекенде жұқпалы ауру шықса, ол жерден қашып, басқа жаққа бармаңдар!" - дегені іспен жасалған дұғаға жатады. Жұқпалы ауруды ауыздықтау үшін жасалған карантині болмақ.

Ендеше, әуелі себептерді қолымыздан келгенше барынша орындаймыз. Бірақ себептерді қандай жоғарғы деңгейде орындасақ та, оның өзіндік кемшілігі болатындығы сөзсіз. Сондықтан бірінші дұғамызды жүрекпен, тілмен жасалатын дұғамыз арқылы толықтырамыз. Сондай-ақ, себептерді қанша орындасақ та, себептердің нәтижесін беретін Алла екенін ұмытпауымыз қажет.
Олай болса, біріншісіне мән бермегеннің тілмен ғана айтқан тілегі көбінесе қабыл болмайды. Біріншісіндегі салғырттықты екіншімен жабуға тырысу жауакершіліктен қашу һәм шынайы тілектің қадірін кетіру саналады.

Қандай іс болмасын себептерді руханиятқа мүлдем сенбейтін материалистер тәрізді орындау, ал тілмен, жүрекпен жасалатын дұғаны себептердің еш пайдасы жоқтай жалбарына сұрау шынайы тақуалықтың шыңы болмақ.

Қайрат Жолдыбайұлы Фейсбуктегі парақшасынан



Көрілген: 442    Пікірлер: 0

сенбі, 21.03.2020, 11:13

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31