Ал қалжыңсыз айтсақ, Алматыдан сайланған депутаттар қайда?

23 қаңтар 2022, 19:39

Қазақстанның шеткері бір ауылына сол аумақтан сайланған депутат халықпен кездесуге барыпты.
- Ал айтыңдар, қандай проблемаларың бар, депті депутат жиналған жұртқа.
- Бізде екі негізгі шешілмеген мәселе бар, оның біріншісі - даңғарадай аурухана тұр, бірақ емдейтін дәрігері жоқ, депті.
Халық қалаулысы топтан алыстап, сотовый телефонымен біреулермен сөйлесіп, қайта келіпті де:
- Тиісті адамдармен тілдестім. Дәрігер ертең келеді, ал екінші мәселеге көшейік десе:
- Басты қатырма, депутат! Біздің ауылда вообще связь жоқ, біздегі екінші проблема осы болатын деп, халық теріс айналып, қолдарын бір сілтепті.
Ал қалжыңсыз айтсақ, Алматыдан сайланған депутаттар қайда? Неге сайлаушылармен келіп кездесіп, осындай өліара шақта елмен бірге екендерін көрсетпейді. Дүрбелең күндері телевизордың бетін бермей қойып еді. Керек болса, автомат беріңдер атысамыз, деп едіреңдегендері болған арасында. Қайтадан тындыңдар ма?)
Морг жағалап жүргендермен, СИ-18 алдында сапырылысып жүрген жұрттың жанайқайын айтқан бір депутат көрсек, көзіміз шықсын. Мән-жайды анықтау үшін, желіде жазылып жатқан сұмдықтарды жеткізу үшін құзырлы органдарға запрос, үндеу жолдауға болатын шығар.