Баяғы «100 мектеп, 100 аурухананың» кебін кимейді деп сенемін

25 қараша 2020, 18:42

Жалпы, балалары бір партаға үшеуден отыратын, үш ауысыммен оқып, сабақтан қараңғы түскенде шығатын елдің нәтижесі белгісіз халықаралық жиын өткізуге, бізді әлем таниды деп мақтануға моральдық құқы бар ма?!
Балалар өзін қорғай алмайды, ештеңе талап ете алмайды. Оларға барлық жағдайды ересектер жасауға тиіс. Бала кезінде елінен қамқорлық көрмегендер ертең есейгенсін қайдан патриот болады?!
Балалар спортпен айналысса, спорт саласы дамиды. Балалар мықты білім алса, ғылым дамиды, барлық сала алға басады.
Бүгін Нұр Отанның съезінде Тоқаев 800 мектеп салынатыны туралы айтыпты.
&ndash Апатты жағдайда тұрған және үш ауысыммен оқитын мектептердің мәселесін толық шешеміз. Сонымен қатар балаларға қосымша білім беру, бос уақытты тиімді пайдалану, шығармашылық қабілетті дамыту мәселелері шешімін табады. Барлық мектепте спортпен және шығармашылықпен айналысуға жағдай жасалады. Тұрғылықты жеріне қарамастан баланың бәріне бірдей көңіл бөлінеді, &ndash
деп уәде беріпті.
Өз басым қуана қабылдадым.
Баяғы «100 мектеп, 100 аурухананың» кебін кимейді деп сенемін.