БОҚТЫҚ БОЙЫМЫЗҒА СІҢІП БАРАДЫ

Қазір бейәдеп сөйлеуден, тіпті бейәдеп жазудан да арланбайтын болып алдық. Әлеуметтік желі боқтық сөзге өріп жүр. Шшс..., н...х, п...ц, к...т деп көп нүкте қойып жасырып-жамағанымызбен, оны ел біліп отыр. Әсіресе, осындай бейпіл сөздерді нәзік жандылардың көбірек жазатыны ойландырады.
Бұрын мұндай боқауыз сөздерді жазбақ түгілі, байқаусызда айтып қалғанның өзінде жаныңдағы адам "ұятсыз" деп сенен қашқақтайтын. Қазір күліп тұра беретін болды. Ал, бейәдеп сөйлеуге дағды алып қалған бейпілауыздылар бұған ұялудың орнына, "связка слов қой, онсыз сөйлем құрай алмаймын" деп ақталғысы келеді. Ең сорақысы, "ата-баба дәстүрімізде бар" деп әке жолы үлкен ағаның көптің алдында інісін қымсынбай боқтауы. Бұған іні намыстанудың орнына, "правосы бар" деп күліп тұра береді.
Жазушы Герольд Белгер: "Қазіргі қазақтар негізінен орысша боғауызды қолданады", — десе, қазақтың бейпіл сөздерін жиыстырып, кітап етіп бастырған Ақселеу Сейдімбек: "Кез келген қазақ жастары бір-бірімен сөйлескенде өздерінің сөз аралық байланысын орыстың боқтық сөзін қосу арқылы жеткізеді. Орыстың өте жағымсыз, бейпіл сөздерін жиі қолданады», — депті.
Орыс дейтін халық түрме жаргондарымен, боқауыз сөздерімен әлемге танылған жұрт. Соған еліктейміз деп қанша тыраштанғанымызбен, бәрібір бізде менталитет басқа.
Ал, сіз ше? Бейпіл сөйлеуші ме едіңіз? Осыдан тура боқтап жіберейін бе?..

facebook.com парақшасынан