Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Біреудің бала таптырғаны жаңалық емес...

03 қыркүйек 2020, 18:21

Қазақтың өзі - сорлы, маңдайының сорын бес елі қылатын - өзі.

 

Бүгіндікке желі бетінде Қыдырәлінің қызды болғаны жаңалық болды. Әйелі Қарақат әнші болған соң ғой, әйтпесе, ауылдың да, қаланың да қай келіні шет қалып еді. 10 баланы туса да үндемей отырғаны жетеді.

 

Әнші біткеннің неше рет "түсіп-шыққаны" мен туып жатқаны ғана тікелей эфирден берілмейді, қалғаны құдайға шүкір, түгел жұрт алдында, ешкімнің ешкімге өкпесі жоқ.

 

Жә! Енді ол жаңалық қалай тарады де: "Қыдырәлі мен Қарақат ТАҒЫ ДА ата-ана атанды". Көкетайлар, оларды анааау тұңғыш ұлы ата-ана атандырып қойған, болды. Бұдан кейін тағы он балалы болса да қайта ата-ана болмайды бұлар.

 

Қарақат алтыншы рет ана болды дегенше, Қарақат алтыншы баласын тапты демей ме. Қыдырәлінің алтыншы перзенті дүниеге келді де ақыры баланың санын баттитқың келеді екен.

 

Өздері де былқ етпейтін сабаз! Әйтпесе, баяғы қазақтың кемпір-шалындай бала санын бақырайтып айтып-жазып жатқандарға: "ТЕК!"- дер еді.

 

Неше бала тапқанын жар сап айту да дарақылыққа айналып барады.

 

Аман болсын, бірақ қандай болып жетіледі? Тіл мен сұқ тағы бар...

 

Ал, "журналюгалар", ренжімеңдер... Нағыз журналистерге біреудің қатынының бала тапқаны мен таптырғаны жаңалық та емес... 

 

Айгүл Болатханқызы
Фейсбуктегі парақшасынан